Pasko sa Tsina

2017-01-01 17:00:23

Kumusta po ang pagsalubong natin ng Pasko? Alam po ninyo, ang Pilipinas ay natatangi sa buong mundo bilang may pinakamahabang pagdiriwang ng Pasko, kung saan, ang mga awit Pamasko ay naririnig mula Setyembre hanggang Enero ng susunod na taon.

Siyempre, para sa ating mga Pilipino, ang Pasko ay panahon ng pagbibigayan at pagmamahalan dahil ito ang panahon ng kapanganakan ng ating Panginoong Hesu Kristo.

Sa buong Asya, ang Pilipinas lamang ang talagang nagdiriwang ng Pasko dahil na rin sa ating relihiyon. Pero, sa ngayon, nag-uumpisa na ring ipagdiwang ng maraming bansa sa Asya ang panahon ng Kapaskuhan. Sa mga bansang gaya ng Tsina, Japan, Korea, Thailand, Indonesia, at marami pang iba, makikitang dumarami ang nagdiriwang ng Kapaskuhan.

Sa totoo lang, ang Tsina ay bansang may maraming relihiyon. Bagamat hindi ini-endorso ng pamahalaang Tsino ang anumang relihiyon, nasa 100 milyon na ang mga Kristiyano sa Tsina, ayon sa British Broadcasting Corporation (BBC).

Hindi lang po iyan, mayroon ding mga Muslim, Budista, Kompyusyanista, at Taoista sa bansa. Kaya naman, talagang dibersipikado ang kultura at relihiyon sa Tsina.

Sa bisperas ng Pasko, napakaraming kabataan ang nagpupunta sa mga parke, mall, mga kilalang lugar pasyalan, at siyempre mga simbahang tulad ng South Cathedral at Wangfujing Cathedral upang magdasal at magdiwang.

Sa mga kalye at sa mga department store, makikita ang mga Christmas tree, Christmas light at dekorasyon. Maririnig din sa mga mall, istasyon ng subway, tren at paliparan ang mga himig Pamasko simula Nobyembre. Syempre, hindi rin mawawala ang mga Christmas sales at si Santa Claus. Ang tawag ng mga Tsino kay Santa Claus ay (圣诞老人 Shèngdàn Lǎorén). At ang Maligayang Pasko sa wikang Tsino ay Shengdan Jie Kuaile.

McDonald, karaoke, café bar, restaurant, at marami pang iba.

Para sa mga kabataang Tsino, ang Pasko ay isang pagkakataon para makasama ang mga kaibigan at magsaya. Ang kanilang mga party ay ginaganap sa mga bahay ng kaibigan, sa

Ang atmospera sa Tsina tuwing Pasko ay talagang masaya at natutuwa ang maraming tao sa mga dekorasyon at Christmas carol.

Para naman sa mga Kristiyanong Tsino, ang Pasko ay ang pinaka-importanteng pagdiriwang ng taon.

Tulad nating mga Pilipino, ang mga Kristiyanong Tsino ay nagdiriwang sa pamamagitan ng pagsisimba. Sa bisperas ng Pasko, gumagawa sila ng mga dance, drama at choral performance.

Ang bisperas ng Pasko sa wikang Tsino ay (Ping'an Ye 平安夜) o “Mapayapang Gabi.”  Ito ay direktang hango sa awiting Pamasko na "Silent Night."

Sa Tsina, may isang kakaibang kagawian kapag Pasko, at ito ang pagbibigay at pagkain ng mansanas. Bakit mansanas? Kasi, ang salitang mansanas o (苹果 píngguǒ) sa wikang Tsino ay kasintunog ng Ping'an o mapayapa.

Kaya naman maraming mga Tsino ang kumakain ng mansanas tuwing Pasko upang ipahayag ang kanilang hangarin para sa kapayapaan.

Pagdating naman sa pangangaroling, hindi mo ito makikita sa Tsina, lalo na sa Mainland Tsina. Pero, sa mga bahay ng mga Kristiyanong Tsino, inaawit nila ang mga Christmas carol sa saliw ng kanilang mga karaoke machine.

Ang araw ng Pasko ay hindi piyesta opisyal sa Tsina. Dahil, kakaunti pa lamang kasi ang mga Kristiyano sa bansa, mga 1% lamang ng buong populasyon.

Nitong mga nakalipas na taon, nagiging mas popular ang pagdiriwang ng Pasko sa Mainland, lalo na sa malalaking lunsod, kung saan may malaking bilang ng mga expatriate o laowai sa wikang Tsino.  

Pero, sa maliliit na lunsod at kanayunan, kung saan may kaunting bilang ng mga Kristiyano at laowai, ang Pasko ay isa pa ring misteryo, lalo na sa mga nakakatanda.

Sa gawing kanluran ng Tsina, tulad ng Xinjiang at Tibet, ang Pasko ay halos hindi ipinagdiriwang dahil ang dominanteng relihiyon sa mga lugar na ito ay Islam at Budismo.

, sa Hongkong, ang Pasko ay piyesta opisyal. Sa araw na ito, sarado ang lahat ng establisyemento, tulad ng mga bangko.  Para sa mga taga-Hongkong, ang araw ng Pasko ay panahon ng pamimili at pagbibigay ng regalo. Sa Macau, ang Christmas Eve (December 24) and Christmas Day ay mga piyesta opisyal.

Samantala

Sa Taiwan, mas malawakang ipinagdiriwang ang Pasko kaysa sa Mainland, pero mas hindi pa rin ito papantay sa pagdiriwang sa Hongkong at Macau.


Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino