Bagong Taon ng Tsina

2018-02-19 11:17:27

Manigong Bagong ng Aso! Gou Nian Da Ji!

Bagong Taon ng Tsina

Ang Bagong Taong Tsino o Chun Jie (春节) sa wikang Tsino ay ang pinaka-importanteng pagdiriwang ng Nasyong Tsino. Pero, ano nga ba ito?

Para maliwanag po nating maisalaysay ang tungkol sa Chun Jie, kailangan muna nating talakayin ang tungkol sa kalendaryong Tsino, o Nong Li (农历).

Ang Nong Li ay ang tradisyonal na kalendaryo ng Tsina, at kadalasang ginagamit sa agrikultura.

Ayon sa Nong Li, ang buwang gasuklay o quarter moon ay lumilitaw sa unang araw ng kada buwan, at ang bilog na buwan naman ay lumalabas sa kalagitnaan ng kada buwan.

Ang siklong ito ay tumatagal ng mga (humigit-kumulang) tatlumpung araw.

Ayon sa magkakaibang posisyon ng araw, dalawamput apat na araw ang tanda ng dalawamput apat na dibisyon sa solar na taon ng Nong Li. Halimbawa, ang dibisyon na Li Chun o pagsisimula ng tagsibol ay nagpapaala-ala sa mga tao na parating na ang tagsibol.

Ang Jing Zhe o paggising ng mga insekto ay nangangahulugang nagiging mainit na ang panahon.

Ang Li Xia o pagsisimula ng tag-init ay ang panahon ng pag-usbong ng mga pananim.

Ang Da Han o Dakilang Lamig ay ang katapusan ng mabagsik na taglamig.

Lahat ng mga ito ay bumubuo sa isang siklo ng pag-ikot ng mundo sa araw.

Ang ikatlumpung araw ng ikalabindalawang buwan ng Nong Li ay ang bisperas ng Bagong Taong Tsino; at ang susunod na araw ay ang Pestibal ng Tagsibol o Chun Jie.

Ang Pestibal ng Tagsibol/Chinese New Year o Chun Jie ay ang unang araw sa Kalendaryong Tsino, at ito ang pinaka-importanteng araw o pagdiriwang para sa Nasyong Tsino.

Kapag dumarating ang panahong ito, tulad din nating mga Pilipino tuwing sumasapit ang panahon ng Kapaskuhan, nagiging abala ang mga Tsino sa pagbili ng mga kagamitan, paglilinis ng bahay, pagluluto ng mga tradisyonal na pagkain, paggawa ng mga couplet at pagsasabit ng mga dekorasyon at pinta.

Ang pagsasalu-salo ng buong pamilya ay ang pinaka-importanteng aktibidad sa Chun Jie.

Bagong Taon ng Tsina

Bagong Taon ng Tsina

Bagong Taon ng Tsina

Ang dumpling ay hindi maaaring mawala, dahil kinakatawan nito ang pagsasama-sama ng pamilya at magandang hangarin para sa papasok na taon.

Bagong Taon ng Tsina

Sa araw ng Chun Jie, kailangang magsalu-salo ang buong pamilya para magdiwang at magsaya.

Ang mga magulang, anak, at iba pang miyembro ng pamilya ay kailangang umuwi sa kanilang lupang tinubuan upang bisitahin ang kanilang mga mahal sa buhay.

Kapag Chun Jie, suot ang kanilang mga bagong damit, binibisita ng mga tao ang isat-isa, at binibigyan ng pera ang mga bata upang magpahayag ng mabuting hangarin.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino