Pinakamalaking migrasyon ng tao sa daigdig

2018-02-22 16:46:11

  

Kakatapos lang po ng Spring Festival/Chun Jie o Chinese New Year, ang pinaka-importanteng pestibal ng Tsina. Alam po ba ninyo na tuwing panahong ito, nagkakaroon ng tinatawag na pinakamalaki at pinakamalawak na migrasyon ng tao sa daigdig?

Pinakamalaking migrasyon ng tao sa daigdig


Travel Rush

Pinakamalaking migrasyon ng tao sa daigdig

Mga biyahero

Ayon sa China Global Television Network (CGTN), nasa halos 3 bilyong biyahe ng ibat-ibang plataporma ng transportasyon ng Tsina ang naisagawa at isinasagawa pa rin dahil dito.

At para maisiguradong maginhawa ang pagbibiyahe, isiniwalat  ng 7 departamento ng gobyernong Tsino ang mga katugong hakbangin para maging maayos ang paglalakbay ng mga tao.


Pinakamalaking migrasyon ng tao sa daigdig

Mga sundalong nagbabantay sa isang istasyon ng tren

Pinakamalaking migrasyon ng tao sa daigdig

Smart Glasses


Sinabi ni Lian Weiliang, Vice Chairman ng National Development and Reform Commission, dahil medyo huli ang petsa ng pagdiriwang ng Chun Jie ngayong taon, nasa 100 milyon biyahe ang maximum daily peak, at mabigat din ang trapiko sa mga kalsada.

Aniya, noong nakaraang taon, nagkaroon ng 14% year-on-year na paglaki sa mga pribadong sasakyan sa mga haywey, at sa taong ito, mas malaking pagsubok ang kinakaharap para maisigurado ang maayos at ligtas na kalagayan ng paglalakbay.

Mayroong 217 milyong sasakyan sa Tsina hanggang katapusan ng nagdaang taon, at karamihan sa mga ito ay pribado. Pero, ayon sa mga awtoridad, sa kauna-unahang pagkakaton, mas maliit ng 1.6% ang mga biyahe sa kalsada sa taong ito dahil mas marami nang mamamayan ang gumagamit ng mga mass transport, tulad ng tren at eroplano.

Isa rin anila sa mga dahilan ay ang pagpapadali ng gobyerno sa proseso ng pagbili ng mga tiket, lalung-lalo na sa mga tren.

Ani Li Wenxin, Deputy General Manager ng China Railway Corporation, “we've added high-speed overnight trains. We're making full use of new railways, but railways can't fully meet passenger demand, and can only allow 390 million of the total 2.98 billion trips.

Sa kabilang dako, may mga preperensyal na pribilehiyo naman para sa mga estudyante, sundalo, at mga migranteng manggagawa, at mga taong nakatira sa mga mahihirap na nayon.

Dahil po sa travel rush, pinahigpit din po ng kapulisan ng Tsina ang seguridad sa mga paliparan, puwerto, istasyon ng bus at siyempre, istasyon ng tren.

Kaugnay nito, sa Zhengzhou, kabisera ng lalawigang Henan, ginamit na ang facial recognition eyewear para maisigurado ang kaligatan ng mga pasahero.

Ayon sa pahayagang People's Daily, makikitang suot ng mga security personnel sa Zhengzhou East Railway Station ang mga bagong kagamitan: ito'y para maging episyente at mapabilis ang pagberipika sa pagkakakilanlan ng mga pasahero, hulihin ang mga kriminal at sawatain ang mga may masasamang balak. 

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino