Sakay ng Balangay, expedition team ng Pilipinas, tumungo sa Tsina: dumalaw sa puntod ng sultan ng Sulu sa Dezhou

2018-05-17 17:07:36

 

 

Sakay ng Balangay, expedition team ng Pilipinas, tumungo sa Tsina: dumalaw sa puntod ng sultan ng Sulu sa Dezhou


Balangay Expedition Team ng Pilipinas sa Embahada ng Pilipinas sa Beijing

 

 

Sa okasyon ng ika-601 taong anibersaryo ng pagdalaw ni Sultan Paduka Batara ng Sulu sa Tsina, dumating kamakailan sa Dezhou, siyudad sa lalawigang Shandong, dakong silangan ng Tsina ang Balangay Expedition Team ng Pilipinas upang bigyang-pugay ang nasabing Pilipinong sultan at pasalamatan siya sa kanyang mga ginawa upang patatagin at pasulungin ang relasyong Pilipino-Sino.

Sakay ng Balangay, expedition team ng Pilipinas, tumungo sa Tsina: dumalaw sa puntod ng sultan ng Sulu sa Dezhou

Sakay ng Balangay, expedition team ng Pilipinas, tumungo sa Tsina: dumalaw sa puntod ng sultan ng Sulu sa Dezhou

Sakay ng Balangay, expedition team ng Pilipinas, tumungo sa Tsina: dumalaw sa puntod ng sultan ng Sulu sa Dezhou


Embahador Jose Santiago Sta.Romana habang nagtatalumpati


Bukod dito, nagtungo rin ang nasabing grupo sa Embahada ng Pilipinas sa Beijing upang katagpuin si Jose Santiago Sta. Romana, Embahador ng Pilipinas sa Tsina.

Sa kanyang talumpati, sinabi ni Sta. Romana, na sa mga panahon ng Dinastiyang Tang (618-907AD) at Song (960-1279AD), nagsimula ang relasyon ng Pilipinas at Tsina, at ito'y sa pamamagitan ng pagkakalakalan ng mga sinaunang Pilipino at Tsino.

Aniya, malaki ang papel na ginampanan ng Balangay sa pagkakabuo ng relasyong ito, dahil ito ang unang paraan ng mga Pilipino upang maglayag sa dagat.

Anang embahador Pilipino, ang pagdalaw ni Sultan Paduka Batara sa kanyang kaibigan, ang Emperador Yongle ng Dinastiyang Ming ay isang matatag na pundasyon at ebidensya kung gaano katibay, at di-nagmamaliw ang pagpapalitan ng mga mamamayang Pilipno at Tsino.

Samantala, ang pagdalaw naman aniya ng Balangay expedition team ng Pilipinas sa Tsina ay nagsisilbing simbolo ng patuloy pang pag-usbong ng kapakinabangan para sa mga mamamayan ng dalawang bansa at buong rehiyon ng Timogsilangang Asya.

Ipinahayag ng embahador na ang paglalayag ng nasabing grupo papunta sa Tsina, gamit ang Balangay ay isang pagpapakita sa mundo, na ang Pilipinas ay tumatahak sa landas ng indipendiyenteng polisiyang panlabas, at ang bansa ay kaibigan ng lahat at kaaway ng walang sinuman.

Handa aniya ang Pilipinas na makipagkooperasyon sa lahat at magpupunyagi ito, sa tulong ng Tsina upang ang South China Sea ay maging karagatan ng pagkakaibigan at hindi karagatan ng di-pagkakaunawaan.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino