Relasyong Pilipino-Sino, patuloy na lumalakas

2018-06-20 17:31:14

  

Idinaos ng Embahada ng Pilipinas sa Beijing noong Hunyo 12, ang isang pagtitipon bilang pagdiriwang sa Ika-120 Anibersaryo ng Kasarinlan ng Pilipinas.

Sa kanyang talumpati, sinabi ni Embahador Jose Santiago Sta. Romana na, patuloy na isusulong ng Pilipinas ang patakarang "Ang Pilipinas ay kaibigan ng lahat, kaaway ng walang sinuman."

Aniya pa, ang mapagkaibigan atityud at pakikipagtulungan sa Tsina ay mahalagang  bahagi ng indipendiyenteng patakarang panlabas ng Pilipinas.

Ang Tsina aniya ay mahalagang politikal at ekonomikong katuwang ng Pilipinas sa pandaigdigang laban kontra terorismo at krimeng transnasyonal.

Dagdag ni Sta. Romana, ang Tsina ang pangunahing trading partner at ikalawang pinakamalaking pinagmumulan ng turista sa Pilipinas.

Ayon pa kay Sta. Romana bukod sa mga tulong sa proyektong pang-imprastuktura, umasiste rin ang Tsina noong panahon ng sagupaan sa Marawi, kapwa sa aspektong militar at mga proyekto hinggil sa muling pagbabangon ng lunsod.

Kasama sa mga panauhin sa pagtitipon ay sina: Vice Foreign Minister Kong Xuanyou, Vice Minister at Tagapamuno ng State Administration for Foreign Experts Affairs Zhang Jianguo, Vice Minister at Deputy Head State Council Information Office Guo Weimin, Boao Forum for Asia Secretary General Li Baodong, Secretary General ng China-ASEAN Center Yang Xiuping, mga kinatawan ng diplomatic corps sa Beijing, at piling bisita mula sa Filipino at Chinese communities.

Hinggil sa lumalakas na ugnayan ng Pilipinas at Tsina, nakapanayam po natin ang isang pulis na kasalukuyan ngayong nasa Beijing na nag-aaral sa mga pag-unlad na natamo ng Tsina sa larangan ng pampublikong seguridad.

Sa ating panayam kay Police Senior Inspector Gelyn Bacsal Tubog, masaya niyang ikinuwento ang kanyang mga karanasan, realisasyon at pagkaka-unawa sa kulturang Tsino at bansang Tsina.


Relasyong Pilipino-Sino, patuloy na lumalakas

Relasyong Pilipino-Sino, patuloy na lumalakas

Police Senior Inspector Gelyn Bacsal Tubog


Relasyong Pilipino-Sino, patuloy na lumalakas

Embahador Jose Santiago Sta. Romana


Relasyong Pilipino-Sino, patuloy na lumalakas

Embahador Jose Santiago Sta. Roamana (kaliwa) at Vice Foreign Minister Kong Xuanyou (kanan)

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino