Yuan Xiao Jie: Pestibal ng makukulay na parol

2019-02-21 16:03:36

Ang Yuan Xiao Jie ay tinatawag ding Pestibal ng Parol.

Ayon sa Lunar na Kalendaryong Tsino, ang araw ng Pestibal ng Parol ay ipinagdiriwang tuwing ika-15 araw ng kauna-unahang buwan ng bagong taon.

Ipinalalagay ng mga Tsino na sa araw na ito, lalabas ang bilog na buwan, at ito'y suwerte sa tradisyong Tsino.


Yuan Xiao Jie: Pestibal ng makukulay na parol

 Bilog na buwan

Kaya, ang kauna-unahang paglabas ng bilog na buwan ay ipinagdiriwang bilang pestibal sa Tsina.

Ito ang pinagmulan ng tradisyon ng Pestibal ng Parol.


Maraming kawili-wiling folk custom na may-kaugnayan sa Pestibal ng Parol.

Pero di-tulad ng Pestibal ng Gitnang Tagsibol, sa halip na mooncake, ang mga tao ay kumakain ng palitaw o yuan xiao.

Sa wikang Tsino, ang palitaw ay tinatawag na “yuan xiao 元宵”o “tang yuan 汤圆,” kaya ang Pestibal ng Parol ay tinatawag ding “Yuan Xiao Jie元宵节.”

Tulad ng mooncake, hugis bilog ang yuan xiao.

Ang full moon at bilog na yuan xiao ay sumasagisag sa pagsasama-sama ng buong pamilya.

Ang isa pang mahalagang kagawian tuwing Pestibal ng Parol, ay, siyempre, “paggawa at pagsasabit ng mga parol.”

Mula sinaunang panahon hanggang ngayon, idinaraos ang maraming eksbisyon ng parol na may iba't ibang uri ng kulay, pigura, at kuwento.

Sa Tsina, may mahalagang katuturan ang Pestibal ng Parol.

Ito ang pagtatapos ng Spring Festival Holidays, at ang opisyal na pagisimula ng trabaho ng bagong taon.

Ang Spring Festival ay napakahalagang pagkakataon para sa pagtitipun-tipon ng lahat ng miyembro ng pamilya, at pagkatapos ng Pestibal ng Parol, maghihiwalay muli ang mga Tsino para bumalik sa kanilang mga trabaho.

Dahil dito, ang gabi ng pagtanaw sa bilog na buwan, pagkain ng palitaw at pagsasabit ng mga parol ay napakahalaga para sa mga Tsino, at ito ay nag-i-iwan ng magagandang ala-ala.

Ang parol o Deng Long (灯笼) ay ang tradisyonal na kagamitang pang-ilaw ng Tsina, na kumakatawan sa kahalagahan at kaligayahan.


Yuan Xiao Jie: Pestibal ng makukulay na parol

 Deng Long

Ang tradisyonal na Deng Long ay nababalutan ng manipis na papel at may nakasinding kandila sa loob.

Tumatagos ang sinag ng kandila mula sa manipis na papel.

May ibat-ibang disenyo ang Deng Long.

Ang mga Deng Long ay pinipintahan ng magaganda at masusuwerteng kulay ng mga Tsino.

Iniilawan ng mga Deng Long ang gabi ng mga pestibal.

Lumalaganap ang kahalagahan at kaligayahan sa ibat-ibang pamilya sa pamamagitan ng mga Deng Long.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino