Hataw Na: Libreng pag-aaral ng Arnis, nasa ikatlong buwan na!

2014-06-17 10:43:35 CRI

Sa pangunguna ni Guro Rhio M. Zablan ng National Arnis Association of the Philippines (NARAPHIL) at sa ilalim ng pahintulot ng Radyo Internasyonal ng Tsina (CRI), binuksan noong Enero 2014, ang libreng pag-aaral ng ating pambansang larong Arnis para sa lahat ng Pilipino, mga dayuhan, at kaibigang mga Tsino na nasa Beijing.

Sa ngayon, mayroon na pong mahigit 15 regular na mag-aaral, mula sa loob at labas ng CRI. At dahil sa patuloy na pagsikat nito, inaasahan ang lalo pang pagdami ng mga lalahok sa pagsasanay. Narito po ang ilang video sa aming pagsasanay noong March 20.

Ang Arnis ay katutubong sining-Pilipino at isa ring napakagandang uri ng ehersisyo at sistema ng pagtatanggol sa sarili.

Ayon kay Guro Rhio Zablan, ang layunin ng kanyang pagtuturo ng Arnis ay palakasin at palalimin ang pag-uunawaan ng mga Tsino at mga Pilipino. Aniya pa, nakapaloob sa Sining ng Arnis ang libu-libong taong kasaysayan at kultura ng Pilipinas, kaya isa itong napakagandang paraan upang palakasin at palalimin ang pagkakaibigan ng mga Pilipino at Tsino.

Ang pagsasanay ay libre!

Kaya, tara na, humataw na, kada Huwebes, alas-dose hanggang alas-dos ng hapon!

Sa mga interesadong magsanay, magtungo lang po sa Guo Guang Gong Yu, 16-A Shijingshan Road, Beijing, (Ito po ay 5 minutong lakad lamang mula sa Babaoshan Subway Station).

Para sa karagdagang impormasyon at mga katanungan, tumawag o mag-text lamang sa mga numerong 131-2025-9779 o 134-6676-4266 at hanapin si Rhio o Ramon.

Si Rhio Zablan

Si Rhio Zablan

Mga mag-aaral ng Arnis sa Tsina

Mga mag-aaral ng Arnis sa Tsina

Mga mag-aaral ng Arnis sa Tsina

Mga mag-aaral ng Arnis sa Tsina

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino