DICK SALDO: Pamahalaan ng Shijiazhuang at ang mga Programang Pangkultura Nito

2014-01-06 15:05:44 CRI

Gaano man ang paghahanda, minsan di pa rin maiiwasan ang pagdanas ng culture shock kapag tumira sa ibang bansa. Tulad ng maraming mga Pilipino, nanibago ng malaki si Dick Saldo ng una niyang marating ang Tsina.

Si Dick ay isang guro na nagtuturo ng Ingles sa Hutchin School sa Shijiazhuang. Pitong taon na siyang naninirahan sa lungsod na ito. Mahirap man ang kanyang adjustment, naka-alpas siya dahil na rin kinilala niya ang lugar. Kinilala nya ang mga tao. At sa proseso napamahal sa kanya ang lugar kaya nagtagal din siya dito.

DICK SALDO: Pamahalaan ng Shijiazhuang at ang mga Programang Pangkultura Nito

Si Dick Saldo

Ani Dick, sa Shijiazhuang ramdam niya ang init ng pagtanggap ng mga tao sa dayuhang tulad niya. Mapagkaibigan ang mga taga Shijiazhuang kaya naman tumagal siya sa kanyang trabaho. Ang biro niya may "celebrity status" ang mga gurong Pilipino di lang sa Shijiazhuang, maging sa ibang mga lugar sa lalawigan ng Hebei.

Dagdag ni Dick masigasig ang pamahalaan ng Shijiazhuang sa pagpapakilala ng kulturang Tsino sa mga dayuhan. Isang halimbawa nito ang pagdiriwang nila ng Duan Wu Jie. Taon-taon kasali sa mga aktibidad ang mga laowai at kasama nilang nagsasaya ang mga kaibigang Tsino.

DICK SALDO: Pamahalaan ng Shijiazhuang at ang mga Programang Pangkultura Nito

Si Dick Saldo, kasama ang mga guro sa Shijiazhuang at ang dalawang mamamahayag mula sa Serbisyo Filipino ng CRI

Nang tanungin kung ano ang pangarap ni Dick Saldo para sa lungsod na itinuturing niyang ikalawang tahanan, sagot niya "Sana patuloy itong umunlad at dalawin ng mga dayuhan. Sana sa darating na panahon, kasabay ng pag-unlad ng Shijiazhuang maging mas azul ang kalangitan at mas luntian ang kapaligiran. "

Pakinggan ang buong panayam sa tulong ang audio plug-in sa itaas. Mas mainam kung gagamit ng Internet Explorer.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino