Gaganaping G20 Summit, inaasahang magiging kapaki-pakinabang sa mga umuunlad na bansa: pangulo ng Laos

2016-09-02 12:26:32 CRI CRI

Vientiane, Laos- Lumisan dito Biyernes, Setyembre 2, 2016 si Pangulong Bounyang Volachit ng Laos, papuntang Tsina para dumalo sa G20 Summit na gaganapin mula Setyembre 4 hanggang 5, sa Hangzhou, siyudad sa dakong silangan ng Tsina. Dadalo si Pangulong Bounyang sa nasabing summit bilang kinatawan ng Association of Southeast Asian Nations (ASEAN). Ang Laos ay kasalukuyang bansang tagapangulo ng ASEAN.

Sa panayam bago siya lumisan ng Laos, ipinahayag ni Bounyang na ang paanyaya sa kanya ni Pangulong Xi Jinping ng Tsina na lumahok sa gaganaping G20 Summit ay nagpakita ng pagpapahalaga ng Tsina sa ASEAN.

Si Pangulong Bounyang Volachit ng Laos sa panayanm sa mga media na Tsino

Si Pangulong Bounyang Volachit ng Laos sa panayanm sa mga media na Tsino

Ipinahayag ng pangulong Lao ng pag-asang sa idaraos na summit, matutupad ang mga proposal at plano na gaya ng plano ng pagpapatupad ng United Nations (UN) 2030 Agenda for Sustainable Development at proposal hinggil sa industriyalisasyon ng mga di-maunlad na bansa. Ito aniya ay para makinabang ang mga mamamayan ng iba't ibang bansa, lalong lalo na ang mga umuunlad na bansa.

Ipinahayag din ni Pangulong Bounyang ang paghanga sa ginagampanang papel ng Tsina, bilang bansang punong–abala sa pagpapasulong ng gaganaping G20 Summit para matulungan ang mga di-maunlad na bansa at malutas ang mga pandaigdig na isyung pangkabuhayan at pampinansya.

Salin: Jade
Pulido: Rhio

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino