Unang kaso ng Zika sa Malaysia, kumpirmado

2016-09-02 16:24:48 CRI CRI

Kinumpirma Miyerkules, Setyembre 1, 2016, ang unang kaso ng Zika virus sa Malaysia. Ang babaeng Malay na nahawan ng Zika ay pumunta kamakailan sa Singapore, kung saan dumarami ang mga kumpirmadong kaso.

Ang 58 taong gulang na maysakit ay taga-Bandar Botanic, Klang sa Selangor. Pinaghihinalaan siyang nahawahan ng sakit sa kanyang pagbisita sa kanyang anak sa Singapore mula Agosto 19 hanggang 21.

Wala pa namang sintomas ng Zika infection ang asawa at ibang kapamilya na kasama sa tirahan ng maysakit.

Samantala sinimulan ng Ministri ng Kalusugan ng Malaysia ang "vector control" operation para mapigilan ang pagdami ng Aedes mosquito, lamok na nagpapalaganap ng Zika virus, chikungunya at dengue, sa lugar na panirahan ng maysakit at ibang lugar na kanyang pinuntahan.

Kabilang sa mga sintomas ng Zika infection ay lagnat, pamamantal, pananakit ng kasukasuan at namumulang mata. Pero, kadalasan hindi ito nangangailangan ng pagkaospital, at mababa rin ang insidente ng kamatayan. Ngunit, ito'y lubhang mapanganib para sa mga nagdadalang tao dahil naaapektuhan nito ang sanggol sa sinapupunan.

Salin/Edit: Jade
Pulido: Rhio

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino