Pangalawang PM Thai: CAEXPO, mahalaga para sa Tsina at ASEAN

2016-09-14 17:37:53 CRI CRI

Sa panahon ng kanyang paglahok sa Ika-13 China-ASEAN Expo (CAEXPO) sa Nanning, Tsina, ipinahayag kamakailan ni Pangalawang Punong Ministro Prachin Chantong ng Thailand, na mahalaga ang CAEXPO para sa Tsina at mga bansa ng Association of Southeast Asian Nations (ASEAN). Dahil aniya, mapapasulong nito ang kalakalan at pamumuhunan ng iba't ibang bansa.

Sinabi ni Chantong, na lumalaki ang saklaw ng CAEXPO, at ipinakikita nitong ang CAEXPO ay magiging isang mahalagang ekspo sa pandaigdig na antas. Dagdag niya, patuloy na makikipagtulungan sa Tsina ang iba't ibang bansang ASEAN, para ibayo pang bumuti ang CAEXPO.

Ipinahayag din ni Chantong, na sa kasalukuyan, ang Tsina ay pinakamalaking trade partner ng Thailand. Umaasa siyang sa ilalim ng "Belt and Road" Initiative, palalawakin ang kalakalan at pamumuhunan ng dalawang bansa sa mga aspekto ng turismo, pagmimina, pagkain, tradisyonal na gamot Tsino, at iba pa.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino