Pilipinas, uukit ng sariling patakarang panlabas: makikipagkaibigan sa lahat ng bansa- Pangulong Duterte

2016-10-20 21:27:01

Pilipinas, uukit ng sariling patakarang panlabas: makikipagkaibigan sa lahat ng bansa- Pangulong Duterte

Beijing, Tsina -  Sa kanyang kauna-unahang pagdalaw sa Tsina upang isulong at palakasin ang relasyong Sino-Pilipino, isang preskon ang idinaos gabi ng Miyerkules ni Pangulong Rodrigo Roa Duterte para sa mga Tsino't dayuhang mamamahayag.

Sa kanyang sagot sa tanong ni Jade Xian, mamamahayag ng Serbisyo Filipino ng Radyo Internasyonal ng Tsina (CRI-SF) hinggil sa patakarang panlabas ng Pilipinas, mariing ipinahayag ni Pangulong Duterte na siya ay uukit ng patakarang panlabas na akma para sa Pilipinas at higit sa lahat, ito'y magiging patakarang panlabas na mapagkaibigan para sa lahat ng bansa.

Sinabi ni Duterte, matagal nang pumapabor ang patakarang panlabas ng Pilipinas sa patakaran ng mga bansang kanluranin, pero, hindi naman ito akma sa pangangailangan ng Pilipinas.

Sinabi pa ni Pangulong Duterte, na ang dahilan kung bakit hindi masyadong lumamig ang pagpapalitan ng Pilipinas at Tsina nitong mga nakaraang panahon ay dahil sa pagsunod ng Pilipinas sa mga polisiya ng mga kanluraning bansa.

Panahon na aniya upang gumawa ng patakarang panlabas ang Pilipinas na ayon sa pangangailangan ng mga Pilipino.

“At this age I have now the proper perspective to judge whether the foreign policy is good for us or not,” dagdag ng pangulong Pilipino.


Prospekt ng pagdalaw sa Tsina

Pagdating naman sa pakay sa kanyang pagdalaw, sinabi ni Duterte na nais niyang humingi ng tulong sa Tsina, pero, hindi rin niya nais na mamilit at magbigay ng presyur.

Kung sa mga nakatakdang pag-uusap aniya ay mababanggit at mag-aalok ng tulong ang pamahalaang Tsino, malaking bagay para sa Pilipinas kung magkakaroon ng soft loan.

“I am here for a state visit to pay my respects to the great people of China and to the Chinese Government,” aniya.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino