Ika-600 anibersaryo ng pagdalaw ni Sultan Paduka Pahala sa Tsina, ginunita

2017-03-29 16:06:54 CRI CRI

Nagbigay-galang kahapon, Martes, ika-28 ng Marso 2017, sa Dezhou, lalawigang Shandong sa silangang Tsina, si Princess Jacel Kiram ng Sulu at kanyang mga kasamahan, sa libingan ni Sultan Paduka Pahala.

Sinabi ni Princess Kiram, na ang kanilang aktibidad na ito ay bilang paggunita sa ika-600 anibersaryo ng pagdalaw ni Sultan Paduka Pahala sa Tsina. Dagdag niya, ang pangyayaring pangkasaysayan na ito ay patunay ng mahabang pagpapalagayang pangkaibigan ng Pilipinas at Tsina. Umaasa aniya siyang ito ay magiging elementong tagapagpasulong sa kasalukuyang relasyon at kooperasyon ng dalawang bansa.

Sinabi naman ng isang lokal na opisyal ng Shandong, na ang libingan ni Sultan Paduka Pahala ay puntod ng haring dayuhan na pinangangalagaan nang pinakakumpleto sa loob ng Tsina. Ito aniya ay itinuturing na tulay at bigkis, para palakasin ang pagpapalagayan ng Tsina at Pilipinas, at palalimin ang pagkakaibigan ng mga mamamayan ng dalawang bansa.

Ayon sa rekord ng historikal na materiyal, noong taong 1417, sa panahon ni Emperador Yongle ng Ming Dynasty, isinagawa ni Sultan Pahala ang dalaw-pangkaibigan sa Tsina, kasama ng mahigit 340 piling kasamahan. Nagtagal sila ng 27 araw sa Beijing. Pabalik na sana sa Pilipinas ang sultan subalit nagkasakit siya pagsapit sa Dezhou. Nabalitaan ng Emperador ang pagkakasakit at pagkamatay ng kanyang matalik na kaibigan kaya't inatasan niya ang kanyang mga opisyal na bigyan ng isang marangyang libing ang Sultan ng Sulu.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino