Pagdalaw ng pangulo ng Myanmar sa Tsina, matagumpay—Pangalawang Ministrong Panlabas ng Tsina

2017-04-11 11:51:23

Pagkaraan ng pagtatagpo ng mga pangulo ng Myanmar at Tsina, ipinahayag Lunes, Abril 10, 2017, ni Liu Zhenmin, Pangalawang Ministrong Panlabas ng Tsina na ang pagdalaw ni Pangulong U Htin Kyaw ng Myanmar sa Tsina ay matagumpay. Ito ay mahalaga dahil ang relasyong pangkaibigan ng Myanmar at Tsina ay pumapasok sa bagong yugto, at ito ay makakabuti sa pagpapalalim ng pagkakaibigan at kooperasyon ng dalawang bansa.

Isinalaysay ni Liu na, 9 ang kasunduan ng kooperasyon na nilagdaan ng dalawang panig at kabilang dito ang kasunduan ng oil pipeline sa pagitan ng Tsina at Myanmar. Pagkaraan ng paglagda ng kasunduan, agad na gagamitin ang pipeline, at ito ay inaasahang magdudulot ng malaking benepisyo para sa 2 bansa. At ang iba pang mga kasunduan ay hinggil sa Special Economic Zone ng Kyaukphyu, kalusugan, palakasan at transportasyon.

salin:Lele


Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino