Anumang political rally, bawal pa rin sa Thailand

2017-06-13 10:19:48

Bilang tugon sa panghihimasok kamakailan ng panig pulisya sa pagtitipun-tipon ng mahigit 50 dating mambabatas sa isang otel ng Bangkok, ipinahayag Lunes, Hunyo 12, 2017, ni Thailand Deputy Prime Minister Prawit Wongsuwan na hanggang sa ngayon, hindi pa inaalis ng gobyerno ang limitasyon sa political rally. Kaya, hindi puwedeng isagawa ang ganitong pagtitipun-tipong may kaugnayan sa politika, aniya.

Sinabi pa niya na sa halip magtipon ang mga politiko para pag-usapan ang situwasyong pulitikal, mas maganda na sagutin sa pamamagitan ng lehitimong paraan, ang apat na tanong na naunang iniharap ni PM Prayut Chan-o-cha.

Noong isang buwan, inilabas ni Prayut Chan-o-cha ang apat na tanong sa lahat ng mamamayan ng bansa sa pamamagitan ng telebisyon. Ang mga ito ay una: maisasagawa ba ng halalan ang mainam na administrasyon? Ikalawa: kung hindi, ano ang dapat gawin? Ikatlo: tama ba o mali ang pagbibigay ng lahat ng pansin sa halalan lamang at hindi ikokonsidera ang kinabukasan ng bansa at iba pang problema? Ikaapat: dapat bang bigyan ng oportunidad ang mga politikong minsa'y nagkaroon ng "inappropriate behavior?"

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino