Para makamtan ang katarungan: Malaysia, buong sikap na tutulungan ang mga kamag-anak ng mga biktima ng MH17

2017-07-14 11:08:18 CRI

Ipinahayag Huwebes, Hulyo 13, 2017 sa Kuala Lumpur ni Liow Tiong Lai, Ministro ng Transportasyon ng Malaysia, na buong sikap na tutulungan ng pamalahalaan ng bansang ito ang mga kamag-anak ng mga biktima ng Flight MH17 ng Malaysia Airlines para humingi ng katarungan.

Nang araw ring iyon, dumalo si Liow sa aktibidad bilang paggunita sa insidente ng pagbagsak ng MH17, at nakipagtagpo rin siya sa mga kamag-anak ng mga biktima ng insidenteng ito.

Sinabi niyang inipon na ng MH17 Joint Investigation Team (JIT) ang napakaraming impormasyon at testimonya ng mahigit 200 katao. Dagdag pa niya, kahit hindi pa tapos ang pandaigdig na magkasanib na imbestigasyon sa insidenteng ito, naniniwala siyang siguradong mahahanap ang mga may-kagagawan at ihaharap sila sa batas.

Nauna rito, ipinahayag ni Liow na sumang-ayon ang Malaysia, Netherlands, Belgium, Ukraine at Australia na isasakdal sa Netherlands ang mga may-kagagawan ng insidenteng ito.

Noong ika-17 ng Hulyo, 2014, bumagsak sa Ukraine ang Flight MH17 dahil sa missile. Apatnapu't tatlo (43) sa lahat ng mga biktima ay Malaysian.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino