Pangulo ng Myanmar at Minitrong Panlabas ng Tsina, nagtagpo; konstruksyon ng "economic corridor," iniharap

2017-11-20 17:56:50 CRI

Kinatagpo kahapon, Linggo, ika-19 ng Nobyembre 2017, sa Naypyitaw, Myanmar, si Ministrong Panlabas Wang Yi ng Tsina, ni Pangulong Htin Kyaw ng Myanmar.

Ipinahayag ni Htin Kyaw ang kahandaan ng Myanmar, kasama ng Tsina, na pasulungin ang "Belt and Road" Initiative. Pabor aniya ang Myanmar sa mungkahi ng panig Tsino hinggil sa konstruksyon ng "economic corridor" ng dalawang bansa, at gusto nitong ibayo pang talakayin, kasama ng Tsina, ang usaping ito. Ipinahayag din niya ang paghanga sa paninindigan ng Tsina sa isyu ng Rakhine State, at umaasa aniya siyang patuloy na magkakaloob ang panig Tsino ng pagkatig at tulong sa Myanmar para sa prosesong pangkapayapaan nito.

Sinabi naman ni Wang, na ang Myanmar ay mahalagang katuwang ng Tsina para sa pagpapasulong ng "Belt and Road" Initiative. Umaasa aniya ang Tsina, na matutugunan ang planong pangkaunlaran at mga aktuwal na pangangailangan ng Myanmar, sa pamamagitan ng konstruksyon ng "economic corridor" ng dalawang bansa. Ipinahayag din ni Wang ang kahandaan ng Tsina na patuloy na tulungan ang Myanmar sa pagpapasulong ng prosesong pangkapayapaan, at paglutas ng isyu ng Rakhine State.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino