Tsina, magkakaloob ng kagamitan sa Kambodya para sa pag-aalis ng minang pampasabog

2017-11-21 13:15:43 CRI

Phnom Penh, Kambodya—Lunes, Nobyembre 20, 2017, ayon sa taunang plano sa pagbibigay-tulong, ipinagkaloob ng pamahalaang Tsino sa panig Kambodyano ang mga kagamitang gaya ng detector, protective equipment, wheelchair, tolda, motorsiklo, komputer at iba pa, para suportahan ang pag-aalis ng minang pampasabog nito.

Sa seremonya ng paglilipat ng kagamitan, sinabi ni Xiong Bo, Embahador ng Tsina sa Kambodya, na palagia't aktibong kinakatigan ng pamahalaang Tsino ang gawain ng pag-aalis ng minang pampasabog ng panig Kambodyano. Ito aniya ay hindi lamang kusang-loob na pakikitungo ng Tsina sa aktibong pagsasabalikat ng pandaigdigang makataong obligasyon, kundi pagpapakita rin ng pagpapahalaga nito sa tradisyonal na pagkakaibigan ng dalawang bansa at kanilang mga mamamayan.

Ayon naman kay Serei Kosal, Unang Pangalawang Tagapangulo ng Cambodian Mine Action Authority (CMAA), na nailigtas ang buhay ng libu-libong mamamayan dahil sa pagtulong ng panig Tsino sa pag-aalis ng minang pampasabog ng Kambodya. Binabalak aniya ng Kambodya na tapusin ang gawaing ito sa loob ng bansa sa taong 2025.

Salin: Vera

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino