Ika-6 na konsulada heneral ng Laos sa Tsina, binuksan

2017-12-25 16:41:45 CRI

Pormal na binuksan, nitong Sabado, ika-23 ng Disyembre 2017, ang Konsulada Heneral ng Laos sa Changsha, lalawigang Hu'nan sa gitna ng Tsina. Ito ang naging ika-6 na konsulada heneral ng Laos sa Tsina.

Sa seremonya ng pagbubukas, sinabi ni Ministrong Panlabas Saleumxay Kommasith ng Laos, na pinahahalagahan ng kanyang bansa ang pagpapaunlad ng pakikipag-ugnayan at pakikipagtulungan sa Hu'nan. Dagdag ng ministro, ang taong 2018 ay taon ng turismo ng Laos. Umaasa aniya siyang, sa pamamagitan ng pagbubukas ng naturang konsulada heneral, magbibigay-ginhawa ito sa pag-aaplay ng bisa ng mga residente sa Hu'nan at mga nakapaligid na lugar, para maglakbay sa Laos.

Ipinahayag naman ni Vandy Bouthasavong, Embahador ng Laos sa Tsina, na ang pagbubukas ng naturang konsulada heneral ay makakatulong sa kooperasyon ng Laos at Hu'nan sa kabuhayan, kalakalan, kultura, edukasyon, turismo, at iba pang aspekto.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino