Spring Festival ipinagdiwang sa Ateneo De Manila

2018-02-02 14:16:02 CRI

Group picture ng mga panauhin at artista

Manila, Pilipinas--Sa papalapit na Spring Festival o traditional Chinese New Year, idinaos Huwebes, Pebrero 1, 2018 sa Ateneo De Manila University (Quezon City) ang maagang Spring Festival Celebration kung saan itinanghal ang mga magandang palabas hinggil sa tradisyonal na kultura at kaugaliang Tsino.

Fernando Aldaba, Dean of School of Social Sciences ng Ateneo

Sinabi ni Fernando Aldaba, Dean ng School of Social Sciences ng Ateneo, na may Chinese blood ang maraming Filipino, kaya ang aktibidad na ito ay isang magandang showcase para sa pagkakaibigan ng dalawang bansa. Ito rin aniya ay magpapasulong ng people to people exchange ng dalawang bansa na makakaapekto, hindi lamang sa kabuhayan, kundi sa kabuuang ugnayan ng dalawang panig.

 Lin Yi, Pangalawang Puno ng Chinese People's Association for Friendship with Foreign Countries

"To meet our Filipino friends here, to bring what we celebrate in China during Spring Festival Season," ayon kay Lin Yi, Pangalawang Puno ng Chinese People's Association for Friendship with Foreign Countries (CPAFFC), ang katuturan ng event na ito.

Pinakamahalaga sa panahon ng Spring Festival o traditional Chinese New Year ang makapiling ang mga pamilyang Tsino at magkasama ang mga matatalik na magkakaibigan.

"Hope through today's performance, you can understand, not only the culture, but also the friendship we want to share with our Filipino Friends here," dagdag pa ni Lin.

Dr. Gabby Lopez, Presidente ng Association for Philippine-China Understanding

Sinabi rin ni Dr. Gabby Lopez, Presidente ng Association for Philippine-China Understanding (APCU), na umaasa siyang sa pamamagitan ng nasabing selebrasyon, malalaman ng mga Filipino ang mas marami hinggil sa Tsina kahit hindi pa man nakakapunta sa bansang ito.

Sa nasabing aktibidad, itinanghal ng mga artistang Tsino ang sand painting, Beijing Opera, Chinese calligraphy, tea ceremony, Chinese traditional magic at acrobatics.

Ang nasabing aktibidad ay magkasamang itinaguyod ng CPAFFC at APCU at mapapanood unang araw hanggang ika-3 ng Pebrero. Bukod sa Ateneo de Manila, itatanghal din ang palabas sa SM Clark, Pampanga at SM Mall of Asia, Maison Area sa Pasay City.

Sand painting

Chinese calligraphy

Acrobatics

Beijing Opera

Tea ceremony

Chinese traditional magic

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino