Mga bansang Asyano, "kapalaran" ng Pilipinas--Pangulong Duterte

2018-04-09 20:03:37 CRI

Davao--Ipinahayag dito ngayong araw, ika-9 ng Abril, 2018, ni Pangulong Rodrigo Roa Duterte ng Pilipinas na ang mga bansang Asyano na gaya ng Tsina ay kapalaran ng Pilipinas.

Winika niya ito sa news briefing na idinaos sa paliparan bago siya lumisan ng Davao City papunta sa lalawigang Hainan ng Tsina para lumahok sa 2018 Boao Forum for Asia (BFA).

Ipinahayag pa ni Pangulong Duterte na malaki ang nakatagong lakas ng mga bansang Asyano sa paglaki ng kabuhayan. Dapat aniyang pahigpitin ng Pilipinas ang kooperasyon sa kabuhayan at negosyo sa mga kapitbansa at ipagbahaginan ang mga pagkakataon ng pag-unlad.

Ito aniya ay makakatulong sa pagpapabuti ng pamumuhay ng mga Pilipino.

Ang tema ng kasalukuyang BFA ay "Bukas at Inobatibong Asya para sa Ibayo Pang Kasaganaan ng Daigdig." Sinabi ni Pangulong Duterte na dapat samantalahin ng Pilipinas ang pagkakataong ito sa pagpopromote ng Pilipinas sa ibang mga bansa para pasulungin ang kalakalang panlabas at hikayatin ang pamumuhunan.

Kaugnay ng relasyong Sino-Pilipino, sinabi niyang ang relasyong ito ay "namumukadkad tulad ng isang malaki at kaakit-akit na bulaklak." Ani Duterte, inaasahan niya ang pakikipagtagpo kay Pangulong Xi Jinping ng Tsina para talakayin ang bilateral na relasyon at aktuwal na kooperasyon ng dalawang bansa.

Ang Tsina ang pinakamalaking trade partner ng Pilipinas at ikalawang pinakamalaking bansang pinagmumulan ng mga turista ng bansa.

Sinabi ni Pangulong Duterte na nakinabang nang malaki ang Pilipinas sa balangkas ng "Belt and Road" Initiative at umaasa siyang lalawak pa ang mga kooperasyon ng dalawang panig para pasulungin ang Proyektong "Build Build Build" ng pamahalaan.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino