Dapat ibayo pang palawakin ang nilalaman ng kooperasyong Sino-ASEAN — Huang Xilian

2018-05-07 14:30:55

Dapat ibayo pang palawakin ang nilalaman ng kooperasyong Sino-ASEAN — Huang Xilian


Si Huang Xilian, Embahador ng Tsina sa ASEAN

Sa paanyaya ni Pangulong Joko Widodo ng Indonesia, dumating ng Jakarta Linggo, Mayo 6, 2018, si Premyer Li Keqiang ng Tsina upang pasimulan ang kanyang opisyal na pagdalaw sa bansang ito. Sa kanyang pananatili sa Indonesia, bibisita si Premyer Li sa Sekretaryat ng Association of Southeast Asian Nations (ASEAN) sa Jakarta, dadalo sa seremonya ng pagsisimula ng selebrasyon ng ika-15 anibersaryo ng pagkakatatag ng estratehikong partnership ng Tsina at ASEAN, at makikipagpalitan ng kuru-kuro sa Pangkalahatang Kalihim ng ASEAN tungkol sa relasyong Sino-ASEAN at kanilang kooperasyong panrehiyon.

Sa isang panayam, tinukoy ni Huang Xilian, Embahador ng Tsina sa ASEAN, na ibayo pang palalawakin ng Tsina at ASEAN ang nilalaman ng kanilang estratehikong kooperasyon.

Ang Indonesia ay bansang tagapangulo ng Brunei Darussalam-Indonesia-Malaysia-Philippines East ASEAN Growth Area (BIMP-EAGA) sa taong ito. Sinabi ni Huang na aktibong tatalakayin ng panig Tsino at mga kaukulang panig ang tungkol sa mekanismong pangkooperasyon. Aniya, ang sub-regional cooperation ay mahalagang dagdag ng kooperasyong Sino-ASEAN. Ito ay nakakatulong sa pagpapayaman ng nilalaman ng kooperasyong Sino-ASEAN, dagdag niya.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino