China-Myanmar (Yangon) Trade Fair 2018, binuksan

2018-05-18 12:57:02 CRI

Yangon, Myanmar—Huwebes, Mayo 17, 2018, binuksan ang China-Myanmar (Yangon) Trade Fair 2018. Ito ang kauna-unahang pagtatanghal na itinaguyod ng China-ASEAN Expo (CAExpo) sa Myanmar.

Si Hong Liang, Embahador ng Tsina sa Myanmar

Ipinahayag ni Hong Liang, Embahador ng Tsina sa Myanmar, na pahigpit nang pahigpit ang relasyong pangkabuhayan at pangkalakalan ng Tsina at Myanmar, at ang pagtataguyod ng CAExpo, sa nasabing pagtatanghal ay nagpapakita ng pagpapahalaga ng kapuwa panig sa isa't isa. Nananalig aniya siyang magkakaloob ang nasabing trade fair ng mas maraming pagkakataong komersyal para sa kooperasyon ng mga mangangalakal ng kapuwa panig, at kooperasyon sa Belt and Road at economic corridor ng Tsina at Myanmar.

Si Thant Myint, Ministro ng Komersyo ng Myanmar

Ayon naman kay Thant Myint, Ministro ng Komersyo ng Myanmar, layon ng nasabing perya na palawakin ang pagpapalitang komersyal at pangkalakalan ng Tsina at Myanmar, pahigpitin ang pagkakaibigan ng dalawang bansa, at pataasin ang ibayo pang paglago ng halaga ng kalakalan at pamumuhunan ng kapuwa panig. Inaasahan niyang sasamantalahin ng mga bahay-kalakal ng dalawang bansa ang pagkakataon para mapasulong ang kooperasyon.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino