Pasuguan ng Tsina sa Indonesia at PBNU, magkasamang nagdiwang ng Hari Raya Puasa

2018-05-24 15:55:21 CRI

Pesantren Luhur Al-Tsaqafah, Jakarta—Miyerkules, Mayo 23, 2018, sa ika-7 araw ng Ramadan, magkasanib na itinaguyod ng Pasuguan ng Tsina sa Indonesia at Samahan ng mga Islamic Clergyman ng Indonesia (Pengurus Besar Nahdlatul Ulama o PBNU) ang isang serye ng aktibidad hinggil sa Hari Raya Puasa at donasyon. Ang Hari Raya Puasa ay nangangahulugang "Araw ng Selebrasyon," ito ay tanda ng pagtatapos ng Ramadan.

Nagbigay si Embahador Xiao Qian ng pondo at materyal sa mahihirap na estudyante.

Mga estudyanteng kalahok sa aktibidad

Ayon kay Xiao Qian, Embahador ng Tsina sa Indonesia, tinatangkilik ng kanyang pasuguan ang ganitong aktibidad nitong nakalipas na 3 taong singkad. Umaasa aniya siyang sa pamamagitan ng nasabing aktibidad, sa ngalan ng kanyang pasuguan at mahigit 23 milyong Muslim sa Tsina, maipapa-abot ang pinakamatapat na pangungumusta at magandang pagbati sa Ramadan sa mga Muslim ng Indonesia.

Si Xiao Qian (kanan), Embahador ng Tsina sa Indonesia, kasama si KH. Said Aqil Siroj (kaliwa), Tagapangulo ng PBNU

Nagbigay rin si Xiao, kasama si KH. Said Aqil Siroj, Tagapangulo ng PBNU, ng pondo at materyal sa mahihirap na estudyante at residente sa paligid. Sumaksi rin sila sa seremonya ng pagsisimula ng proyketo ng ika-2 pangkat ng mga komprehensibong instalasyong pangkalusugan para sa kaginhawahan ng mga mamamayan. Ang proyektong ito ay magkasanib na isinagawa ng Pasuguang Tsino at PBNU. Idineliber na ang unang pangkat ng dalawang instalasyong pangkalusugan sa Banten, pinaka-kanlurang isla sa probinsya ng Java, bagay na nakapagpabuti ng kondisyon ng pamumuhay ng mga mamamayang lokal. Sa kasalukuyang taon, itatatag sa West Java ang 5 instalasyon ng malinis na tubig-inumin, na kinabibilangan ng balon, water tank, pasilidad ng pagpapalinis ng tubig, palikuran, paliguan at iba pa, para magkaloob ng ginhawa sa pang-araw-araw na pamumuhay ng mga taga-nayon sa paligid.

Salin: Vera

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino