Pagtaya ng WB sa paglago ng kabuhayan ng Pilipinas sa 2018, nananatiling 6.7%

2018-06-07 15:37:59 CRI

Inilabas Martes, Hunyo 5, 2018 ng World Bank (WB) ang pinakahuling outlook report kung saan tinaya nito ang paglago ng kabuhayan ng mga pangunahing bansa ng Asya sa taong 2018. Kabilang dito, nasa unang limang puwesto ang India, Bhutan, Kambodya, Pilipinas at Myanmar, na may 7.3%, 6.9%, 6.9%, 6.7% at 6.7%, ayon sa pagkakasunod. Samantala, nasa ika-9 na puwesto ang Tsina sa antas na 6.4%.

Ayon pa sa nasabing ulat, may pinakabatang estruktura ng manggagawa ang Pilipinas, at "positibo ang tunguhin" ng mid-term growth prospect nito. Noong 2016 at 2017, nasa ika-6 at ika-9 na puwesto sa Asya ang paglago ng kabuhayan ng Pilipinas, at ang kasalukuyang ika-4 na puwesto ay ang pinakamagandang naabot ng bansa, nitong ilang taong nakalipas.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino