Ika-3 Road-show ng mga Natatanging Pelikula ng Tsina at Kambodya, binuksan sa Phnom Penh

2018-07-11 11:46:55 CRI

Chatomuk Conference Hall, Phnom Penh—Binuksan Martes, Hulyo 10, 2018, ang Linggo ng mga Pelikulang Tsino at Ika-3 Road-show ng mga Natatanging Pelikula ng Tsina at Kambodya. Dumalo sa seremonya ng pagbubukas ang mga opisyal ng pamahalaan ng Kambodya at mahigit 600 manonood sa lokalidad.

Si Xiong Bo (kaliwa), Embahador ng Tsina sa Kambodya, at si Men Sam An (kanan), Pangalawang Punong Ministro ng Kambodya, sa seremonya ng pagbubukas

Si Men Sam An, Pangalawang Punong Ministro ng Kambodya

Sa kanyang talumpati sa seremonya, ipinahayag ni Men Sam An, Pangalawang Punong Ministro ng Kambodya, na sa pamamagitan ng Linggo ng mga Pelikulang Tsino, ibayo pang mauunawaan ng mga mamamayang Kambodyano ang kultura ng Tsina, at mapapahigpit ang pagkakaibigan ng dalawang bansa.

Si Xiong Bo, Embahador ng Tsina sa Kambodya

Sinabi naman ni Xiong Bo, Embahador ng Tsina sa Kambodya na ang pelikula ay mahalagang tulay ng pagpapahigpit ng pag-uunawaan, at pagpapasulong sa pagpapalitang kultural. Aniya, noong nagdaang dalawang road-show, halos 10 natatanging pelikulang Tsino ang itinanghal sa 14 na lalawigan at rehiyon ng Kambodya, bagay na nagkaloob ng isang bagong plataporma para sa pagkaalam ng mga mamamayang Kambodyano ng kasaysayan, kultura at kasalukuyang kalagayan ng Tsina, at nagsilbi itong mahalagang tatak ng pagpapalitang kultural ng dalawang bansa.

Sa panahon ng aktibidad, walang bayad na itatanghal ang mga natatanging pelikulang Tsino na may dub sa wikang Kambodyano na gaya ng "Running Like Wind," "Operation Red Sea," at "Wolf Warrior II," para sa mga mamamayan sa Phnom Penh at mga liblib na purok ng Kambodya.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino