Biktima sa pagguho ng dam sa Laos, pumalo na sa 30

2018-08-05 16:22:32

Sa isang news briefing na idinaos Sabado, Agosto 4, 2018, sa pamahalaan ng bayang Sanamxay, probinsyang Attapeu, sinabi ng namamahalang tauhan ng departamentong panaklolo sa aksidente ng pagguho ng dam sa Laos, na natuklasan at inilipat pa nang araw ring iyon ng mga rescuer ang apat (4) na bangkay. Hanggang sa ngayon, 30 katao ang kumpirmadong nasawi sa aksidenteng ito.

Ayon kay Phalom Linthong, komander ng puwersang panaklolo ng panig militar ng Laos sa nasabing aksidente, sa kasalukuyan, maayos na isinasagawa ang search at rescue operation. Aniya, dahil sa kakulangan sa modernong kasangkapan, mabagal na tumatakbo ang mga kaukulang gawain.

Ayon naman sa Laos-China Railway Company, binuo na nito ang isang grupo ng ekspertong teknikal, at ipinadala ito sa purok ng kalamidad sa katimugan ng Laos para maisagawa ang pag-imbestiga at pag-aaral sa mga mapanganib na lansangan at tulay. Ipinahayag ng kompanyang ito na puspusan nitong tutulungan ang Laos sa pagtatayo muli ng mga lansangan at tulay sa purok ng kalamidad para makapagbigay ng positibong ambag sa pagpapanumbalik ng normal na produksyon at pamumuhay sa mga apektadong lugar ng Laos.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino