Mga manggagawang problemado sa United Arab Emirates, nakauwi na

2018-08-17 18:21:44

 

DUMATING kaninang ikawalo't kalahati ng umaga ang may 100 mga manggagawang nabigyan ng amnesty ng United Arab Emirates. 


Ayon sa Department of Foreign Affairs, tinutulungan na sila ng mga kawani ng Office of Migrant Workers Affairs at ng Overseas Workers Welfare Administration.


Kabilang sa mga nakauwi ang anim na menor de edad.  Ayon kay Consul General Paul Raymond Cortes ng Konsulado ng Pilipinas sa Abu Dhabi, ang 100 nakauwi ay bahagi ng 277 kataong nakapasa ang mga dokumento para sa amnesty program. 


Sinamahan sila ni Deputy Consul General Renato Duenas, jr.


Samantala, tuloy pa rin ang pagunita ng Department of Foreign Affairs sa mga Filipino na sumailalim na lamang sa coluntary repatriation sapagkat magtatapos na ang amnesty sa ika-31 ng Agosto sa Malaysia.


Mayroong kampanya ang pamahalaang Malaysia sa mga walang dokumentong mga banyaga sa bansa.  Pinaniniwalaang mayroong 400,000 mga walang dokumentong Filipino sa Sabah at maging sa Kuala Lumpur at mga kalapit pook.



Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino