China-ASEAN Expo, importanteng plataporma para sa negosyanteng Pilipino

2018-09-15 17:51:09 CRI

Nanning, Guangxi--Ipinahayag ni Consul General Marshall Louis Alferez ng Philippine Consulate General sa Guangzhou, ang China ASEAN Expo (CAEXPO) ay isang importanteng plataporma para masubukan ng mga negosyanteng Pilipino ang kanilang mga produkto at makita ang reaksyon ng merkado sa Tsina.

Sa panayam ng CRI Serbisyo Filipino noong Setyembre 13, 2018, sinabi niyang minabuti ng gobyerno ng Pilipinas na bawat taon ay palakahin ng palakahin ang partisipasyon ng mga Pilipinong negosyante. Masaya siyang ngayon taon malaki ang delegasyon ng Pilipinas na binubuo ng 72 negosyante mula sa iba't ibang lalawigan ng Pilipinas. Sa unang pagkakataon at may sariling hall ang Pilipinas sa Nanning International Convention and Exhibition Center. Magandang pagkakataon ang CAEXPO aniya pa, para makita ng publiko ng Tsina kung ano ang pwedeng ialok ng Pilipinong negosyante sa kanila.

Pahayag pa ni ConGen Alferez na pangatlong dalaw na niya ngayong taon sa Nanning. At sa bawat pagdalaw ay namamangha siya sa pag-unlad ng syudad. Ibinahagi rin niyang bukod sa malaking delegasyong Pilipino na sumali sa Ika-15 CAEXPO, nauna nang dumalaw sa lunsod si House Speaker Gloria Macapagal-Arroyo para sa China-ASEAN Mayor's Forum. Naging mabunga ang pagtatagpo ng mga delegasyon ng 20 alkalde mula sa Pilipinas sa kanilang counterpart na Tsino. Maganda rin ang resulta ng pagpupulong ng delegasyong Pilipino sa mga kinatawan ng China Entrepreneurs Club. Inaasahan ni Alferez ang patuloy na pagsigla ng ugnayang Sino-Pilipino sa hinaharap.

Kabilang sa mga lalawigang nasa ilalim ng hurisdikyon ng Philippine Consulate General in Guangzhou ang Guangdong, Hunan, Hainan at Guangxi.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino