Wang Yi, bumati sa panunungkulan ni Teodoro Locsin bilang bagong Kalihim ng Ugnayang Panlabas ng Pilipinas

2018-10-18 18:42:51 CRI

Huwebes, Oktubre 18, 2018—Isang mensahe ang ipinadala ni Wang Yi, Kasangguni ng Estado at Ministrong Panlabas ng Tsina, kay Teodoro Lopez Locsin, bagong Kalihim ng Ugnayang Panlabas ng Pilipinas, bilang pagbati sa kanyang panunungkulan.

Anang mensahe, nitong nakalipas na ilang taon, walang humpay na bumubuti ang relasyong Sino-Pilipino, bagay na nakapaghatid ng benepisyo sa mga mamamayan ng dalawang bansa, at gumawa ng ambag para sa kapayapaan at katatagan ng rehiyon. Sinabi ni Wang na nakahanda siyang magkaroon ng mainam na relasyon at pagkakaibigan kay Locsin, ibayo pang palalimin ang estratehikong pagtitiwalaan at pragmatikong kooperasyon ng dalawang bansa, pahigpitin ang pag-uugnayan at pagkokoordina sa mga suliraning panrehiyon at pandaigdig, magkasamang pasulungin ang malusog at matatag na pag-unlad ng relasyong Sino-Pilipino, at pangalagaan ang kapayapaan at katatagan ng rehiyon.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino