Sec. Carlos Dominguez III: Dapat maging mainam na kapitbansa ang Pilipinas at Tsina

2018-11-14 18:07:01 CRI

Manila-Kapwa iginigiit ng Pangulong Rodrigo Roa Duterte ng Pilipinas at Pangulong Xi Jinping ng Tsina ang patakarang dapat maging mainam na magkapitbansa ang Pilipinas at Tsina. Ito ang ipinahayag ni Secretary Carlos Dominguez III ng Department of Finance ng Pilipinas nang kapanayamin ng China Radio International (CRI).

Sec. Carlos Dominguez III: Dapat maging mainam na kapitbansa ang Pilipinas at Tsina

"There is a Chinese saying that better to have a good friend as a neighbor than a relative who is far away," aniya pa.

Mula ika-15 hanggang ika-21 ng Nobyembre, isasagawa ni Pangulong Xi Jinping ng Tsina ang dalaw pang-estado sa Papua New Guinea, Brunei at Pilipinas. Ito ang kauna-unahang dalaw pang-estado ni Xi sa Pilipinas.

Sinabi ni Dominguez III na ang katuturan ng pagdalaw ni Xi ay pagpapalalim at pagpapahigpit ng relasyong Sino-Filipino. Dagdag pa niya, sa pananatili ni Pangulo ni Xi sa Pilipinas, lalagdaan ng dalawang bansa ang mga kasunduan sa larangan ng pananalapi. Sa kasalukuyan, ang Tsina ay pinakamalaking trade partner ng Pilipinas. Sinabi ni Dominguez III na ang direktang transaksyon ng Philippine Pesos at Chinese Renminbi, sa halip na pagpapalitan ng Peso at Renminbi sa pamamagitan ng US Dollars, ay makakabuti sa bilateral na kalakalan ng dalawang bansa. "This should save around 3% of cost now," saad pa niya.

Nilagdaan noong ika-30 ng Oktubre, 2018 sa Makati ng Bank of China Manila Branch (BoC Manila) at 13 commercial bank ng Pilipinas na gaya ng BDO, BPI at iba pa, ang Memorandum of Agreement (MoA) hinggil sa pagtatatag ng Philippine Renminbi (RMB) Trading Community.

Sa ilalim ng patnubay at superbisyon ng Bangko Sentral ng Pilipinas (BSP), ang nasabing komunidad ay magbibigay-serbisyo sa direktang pagpapalitan ng Chinese Renminbi o RMB at Philippine Pesos o PHP, sa pamamagitan ng pagbuo at pamamahala sa isang RMB/PHP market. Tinayang sisimulan ang pagtakbo ng nasabing market sa huling dako ng Nobyembre.

Sinabi rin ni Kalihim Dominguez III na binabalak niyang ilunsad ang ikalawang round ng Panda bond, Chinese renminbi-denominated bond mula sa non-Chinese issuer. Aniya pa, dodoblehin ang bolyum nito kumpara sa bolyum ng unang round.

Nitong nagdaang Marso, inilunsad ng Pilipinas ang unang round ng Panda bond na nagkakahalaga ng 1.46 bilyong RMB o halos 230 milyong US Dollars. Ang kabuuang bolyum ng subscription ay lumaki ng 6 na beses kumpara sa itinakdang bolyum.

"We want to make sure the Philippines' credits is known and appreciated in China," Ani Sec Dominguez III.

Bago sumapi sa Duterte Administration, nanungkulan minsan si Dominguez III bilang Secretary of Environment and Natural Resources at Secretary of Agriculture sa Cabinet ni dating Pangulong Corazon Aquino. Siya rin ay nagtrabaho sa mga malalaking Philippine companies na gaya ng BPI, Philippine Airlines at iba pa.

Ipinalalagay niyang ag kasalukuyang pinakamahalagang elemento para sa pag-unlad ng Pilipinas ay pagpapabuti ng imprastruktura. "The projects that China are financing for the Philippines will certainly contribute to reducing poverty and make life more comfortable for Filipinos" aniya pa.

Inilahad ni Dominguez III na tutulong ang Tsina sa pagtatayo ng isang dam sa Northern Luzon para palakihin ang bolyum ng ani ng bigas sa lokalidad. Aniya pa, itatayo din sa tulong ng Tsina ang Kaliwa Dam para ipagkaloob ang mas maraming potable water para sa Metro Manila.

Bukod dito, sinabi niyang mataas ang gastusin sa paghahatid ng mga produkto sa Pilipinas at kailangan din ang mas magandang paliparan, puwerto, lansangan at daambakal. Dagdag pa niya, dapat magtulungan ang Pilipinas at Tsina sa larangang ito.

Noong taong 1988, sumama si Dominguez III sa delegayong Pilipino na pinamunuan ni dating Pangulong Corazon Aquino para dumalaw sa Tsina. Kinatagpo siya ni Chinese leader Deng Xiaoping. At ang pagpapabuti ng Pamahalaang Tsino sa pamumuhay ng mga magsasaka ay nag-iwan ng malalim na impresyon sa kaniya.

Sec. Carlos Dominguez III: Dapat maging mainam na kapitbansa ang Pilipinas at Tsina

 Pagtatagpo nina Deng Xiaoping (kaliwa) at Secretary Carlos Dominguez III (kanan) noong 1988 (photo courtesy: Sec. Dominguez III)

"I think that is how we should move forward, first make sure the rural people are uplifted, and that their incomes, their life are better."

Ulat/larawan: Ernest Wang
Pulido: Mac/Jade
Web-edit: Jade

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino