Punong lehislador ng Tsina, nakipag-usap sa pangulo ng parliamento ng Thailand

2018-12-13 12:45:03 CRI

Great Hall of the People, Beijing—Nag-usap Miyerkules, Disyembre 12, 2018 sina Li Zhanshu, Tagapangulo ng Pirmihang Lupon ng Pambansang Kongresong Bayan (NPC) ng Tsina, at Pornpech Wichitcholchai, Pangulo ng National Legislative Assembly ng Thailand.

Sina Li Zhanshu (kanan), Tagapangulo ng Pirmihang Lupon ng Pambansang Kongresong Bayan (NPC) ng Tsina at Pornpech Wichitcholchai (kaliwa), Pangulo ng National Legislative Assembly ng Thailand

Sinabi ni Li na nagpapatingkad ang NPC at National Legislative Assembly ng Thailand ng mahalagang papel sa pamumuhay na pulitikal ng kani-kanilang bansa. Umaasa aniya siyang magkasamang ipapatupad ng kapuwa panig ang mga narating na komong palagay ng mga lider ng dalawang bansa, pananatilihin ang mapagkaibigang pagpapalitan sa iba't ibang antas, ipagkakaloob ang matibay na garantiyang pambatas para sa maalwang pag-unlad ng kooperasyong Sino-Thai sa iba't ibang larangan, at gagawin ang bagong ambag para sa malalimang pag-unlad ng komprehensibo, estratehiko't kooperatibong partnership ng dalawang bansa.

Ipinahayag naman ni Pornpech na aktibong sumasali ang panig Thai sa Belt and Road Initiative. Nakahanda aniyang palakasin ang konstruksyon ng konektibidad at pagpapalitang pangkabuhaya't pangkalakalan nila ng Tsina, at palalimin ang kooperasyon sa mga larangang gaya ng inobasyong pansiyensiya, edukasyon, turismo at iba pa.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino