Haring Kambodyano: dapat palakasin ng mga bansang Asya-Pasipiko ang kooperasyon

2019-01-16 10:36:08

Ipinalabas Martes, Enero 15, 2019, ni Haring Norodom Sihamoni ng Kambodya, ang mensahe bilang pagbati sa pagdaraos sa Siem Reap ng ika-27 taunang pulong ng Asia Pacific Parliamentary Forum (APPF). Nanawagan siya sa mga bansang Asya-Pasipiko na magkakasamang magsikap para sa kapayapaan, kalayaan, demokrasya, kasaganaan, at magkakasamang paglutas sa mga kinakaharap na hamon.

Ani ng haring Kambodyano, kasalukuyang pumapasok ang relasyong pandaigdig sa bagong siglo. Aniya, kinakailangan nito ang pagtatatag ng plataporma ng pandaigdigang kooperasyon at diyalogo upang magkakasamang malutas ang mga problemang tulad ng pagbabago ng klima, likas na kalamidad, karalitaan, at di-pagkakapantay-pantay.

Mula Enero 13 hanggang 16, 2019, idinaos sa kauna-unahang pagkakataon sa Kambodya ang taunang pulong ng APPF. Ang tema nito ay "Pagpapalakas ng Partnership ng mga Parliamento, Pagpapasulong ng Kapayapaan, Kaligtasan, at Sustenableng Pag-unlad."

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino