Embahador ng Tsina sa Kambodya, umaasang mapapasulong ng pagdalaw ni Hun Sen ang pagpapataas ng relasyon ng 2 bansa

2019-01-17 17:36:59 CRI

Sa bisperas ng gagawing pagdalaw ni Punong Ministro Hun Sen ng Kambodya sa Tsina, ipinahayag Miyerkules ng hapon, Enero 16, 2019 ni Wang Wentian, Embahador ng Tsina sa Kambodya, ang pag-asang sa pamamagitan ng nasabing pagdalaw, mapapalalim ang pagtitiwalaang pulitikal ng Tsina at Kambodya, mai-a-upgrade ang pragmatikong kooperasyon, mapapalawak ang people-to-people exchanges, mapapalakas ang kooperasyon sa seguridad ng pagpapatupad ng batas, at mapapasigla ang bagong lakas-panulak para sa mas maganda't mabilis na pag-unlad ng komprehensibo, estratehiko't kooperatibong partnership ng dalawang bansa. Umaasa rin aniya siyang walang humpay na mapapasulong ang pagtaas ng relasyong Sino-Kambodyano sa bagong antas.

Isinalaysay ni Wang na mula ika-20 hanggang ika-23 ng Enero, opisyal na dadalaw sa Tsina si Hun Sen. Ito aniya ang kauna-unahang pagdalaw ni Hun sa taong 2019, at kauna-unahan ding opisyal na pagdalaw sa Tsina sapul nang buuin ang ika-6 na bagong pamahalaan ng Kambodya. Ayon kay Wang, mahigpit na nagkokoordina ang mga kaukulang departamento ng dalawang bansa, para maigarantiya ang pagtatamo ng inaasahang bunga ng nasabing pagdalaw.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino