2019 ASEAN Tourism Forum, binuksan sa Biyetnam

2019-01-17 17:38:49 CRI

Ha Long City, Lalawigang Quang Ninh ng Biyetnam—Miyerkules ng gabi, Enero 16, 2019, binuksan ang 2019 Association of Southeast Asian Nations (ASEAN) Tourism Forum. Kalahok dito ang halos 2,000 opisyal at kinatawan ng mga organisasyong panturista ng ASEAN at mga pandaigdigang organo ng kooperasyon sa turismo.

Si Vu Duc Dam, Pangalawang Punong Ministro ng Biyetnam

Sa kanyang talumpati sa porum, ipinahayag ni Vu Duc Dam, Pangalawang Punong Ministro ng Biyetnam, na unti-unting lumalawak ang impluwensiya ng ASEAN Tourism Forum sa mga larangang gaya ng kooperasyong panturista ng ASEAN, pulitikal, kabuhayan, kultura at lipunan. Aniya, ang nasabing porum ay hindi lamang makakatulong sa pagbalak ng kanyang bansa ng mga kaukulang patakaran para sa mabilis at tuluy-tuloy na pag-unlad ng turismo, kundi gumawa rin ng mahalagang papel para sa masaganang pag-unlad ng kabuhayan at lipunan ng mga bansang ASEAN.

Ang ASEAN Tourism Forum na itinatag noong 1981 ay pinakamalaking plataporma ng kooperasyong panturista ng ASEAN. Halinhinan itong idinaraos sa 10 kasaping bansa ng ASEAN tuwing taon.

Salin: Vera


Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino