Pangalawang pangulong Tsino, nakipagtagpo sa delegasyong Pilipino

2019-03-20 10:57:57 CRI

Kinatagpo nitong Miyerkules, Marso 19 sa Beijing ni Wang Qishan, Pangalawang Pangulo ng Tsina ang delegasyong Pilipino na pinangungunahan nina Kalihim Teodoro Locsin ng Kagawaran ng Ugnayang Panlabas (DFA), Kalihim na Tagapagpaganap Salvador Medialdea at Kalihim Carlos Dominguez III ng Kagawaran ng Pananalapi (DOF).

Ani Wang, ang mainam na pag-unlad ng relasyong Sino-Pilipino ay bunga ng mahigit sanlibong taong pagpapalitan ng mga mamamayang ng dalawang bansa at estratehikong patnubay ng mga puno ng estado ng dalawang bansa. Ang kapayapaan ay paunang kondisyon ng kaunlaran at kapuwa umaasa ang mga mamamayang Tsino at Pilipino na bubuti pa ang kanilang pamumuhay sa pamamagitan ng mapayapang pag-unlad, dagdag pa ni Wang.

Ipinahayag naman ng mga panauhing Pilipino ang pangako at kahandaang patuloy na pasusulungin ang relasyong Sino-Pilipino at makikilahok sa magkasamang pagpapasulong ng Belt and Road Initiative (BRI) para sa komong kasaganaan.

Dumating ng Tsina ang delegasyong Pilipino nitong Lunes, Marso 18, at babalik sa Pilipinas bukas, Marso 21.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino