Wang Yi, dadalo sa pulong ng mga ministrong panlabas ng Tsina, Hapon at Timog Korea

2016-08-22 18:10:11

Sa regular na preskon Lunes, ika-22 ng Agosto, 2016, isiniwalat ni Lu Kang, Tagapagsalita ng Ministring Panlabas ng Tsina, na pagkatapos ng pagtalakay ng tatlong panig, nakatakdang idaos sa Tokyo, Hapon, ang ika-8 pulong ng mga ministrong panlabas ng Tsina, Hapon at Timog Korea, sa ika-24 ng kasalukuyang buwan. Dadalo sa nasabing pulong si Ministrong Panlabas Wang Yi ng Tsina.

Isinalaysay ni Lu na sasariwain ng mga ministro ang progreso ng kooperasyon ng tatlong panig, at malalimang magpapalitan ng kuru-kuro hinggil sa direksyon ng pag-unlad ng kooperasyon ng tatlong bansa sa hinaharap, at mga isyung panrehiyon at pandaigdig na pinahahalagahan nila. Inaasahan aniya ng panig Tsino na sa pamamagitan ng nasabing taunang multilateral na pulong, mapapanatili ang tunguhin ng kooperasyon ng Tsina, Hapon at Timog Korea, mapapasulong ang proseso ng integrasyon ng rehiyon ng Silangang Asya, maisasakatuparan ang target ng pagtatatag ng East Asia Economic Community sa taong 2020, at gagawa ng mas malaking ambag para sa kapayapaan, kaunlaran at kasaganaan ng rehiyong ito.

Salin: Vera

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino