Komprehensibo at estratehikong partnership ng Tsina at Biyetnam, patuloy na isusulong

2016-09-27 13:13:04

Sa panahon ng pangungulo ni Guo Shengkun, Ministro ng Pampublikong Seguridad ng Tsina, sa ika-5 Kumperensiya ng Ministri ng Pampublikong Seguridad ng Tsina at Biyetnam sa Magkasamang Pagbibigay-dagok sa Krimen na idinaos mula noong ika-23 hanggang ika-26 ng Setyembre, 2016, magkahiwalay siyang naka-usap nina Pangulong Tran Dai Quang at Punong Ministro Nguyen Xuan Phuc ng Biyetnam.  

Komprehensibo at estratehikong partnership ng Tsina at Biyetnam, patuloy na isusulong

Ipinahayag ni Tran Dai Quang na ang Biyetnam at Tsina ay tradisyonal na mapagkaibigang kapitbansa, at mayroon silang malawak na komong kapakanan. Nakahanda aniya ang panig Biyetnames na magsikap, kasama ng panig Tsino, para mapasulong ang sustenable, malusog, at matatag na pag-unlad ng komprehensibo at estratehikong partnership ng dalawang bansa. Ito ay nakakapagbigay ng positibong ambag para sa katatagan at kasaganaan ng rehiyong ito, dagdag niya.  

Komprehensibo at estratehikong partnership ng Tsina at Biyetnam, patuloy na isusulong

Sinabi ni Nguyen Xuan Phuc na nakahanda ang kanyang bansa na igiit ang tradisyonal na pagkakaibigan ng dalawang bansa. Patuloy aniyang palalalimin ang pagtitiwalaang pulitikal, at palalawakin ang pagmatikong kooperasyon ng dalawang bansa sa iba't-ibang larangang gaya ng kabuhayan at kalakalan, kultura, at seguridad.  

Ipinahayag naman ni Guo ang kahandaan ng panig Tsino na magsikap, kasama ng panig Biyetnames, upang ibayo pang mapasulong ang Komprehensibo at estratehikong partnership ng dalawang bansa.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino