White paper na "China's Progress in Poverty Reduction and Human Rights," inilabas na

2016-10-17 15:22:54

Ngayong araw (Oktubre 17, 2016) ay ika-3 "Araw ng Pagbibigay-tulong sa mga Mahihirap" na naitakda ng Konseho ng Estado ng Tsina. Ito rin ay ika-24 na "Pandaigdigang Araw ng Pagpawi ng Karalitaan." Isang white paper na pinamagatang "China's Progress in Poverty Reduction and Human Rights" ang ipinalabas sa araw na ito ng Konseho ng Estado ng Tsina.

May anim (6) na bahagi ang white paper na kinabibilangan ng: una, pagpapasulong ng pagbabawas ng karalitaan sa pag-unlad ng usapin ng karapatang pantao ng Tsina; ikalawa, paggarantiya sa pagpapatuloy ng pamumuhay ng mga mahirap na populasyon; ikatlo, pangangalaga sa karapatan ng mga tao na may espesyal na pangangailangan; ikaapat, pagpapabuti ng kapaligiran ng pag-unlad sa mga mahihirap na purok; ikalima, puspusang pagpapasulong ng usapin ng pagbabawas ng karalitaan; ika-anim, pagpasok ng pagbabawas ng karalitaan sa mahirap at mahalagang yugto.

Anang white paper, ang poverty reduction action ng Tsina ay pinakamalianw na pagpapakita ng natamong progreso ng usapin ng karapatang pantao ng bansa. Nitong 30 taong nakalipas sapul nang isagawa ang reporma at pagbubukas sa labas, nai-angat mula sa kahirapan ang mahigit 700 milyong mahirap na mamamayan. Nabawasan anito sa mga 55.7 milyon ang bilang ng mga mahirap na populasyon sa kanayunan noong isang taon. Halatang bumuti rin ang imprastruktura, at patuloy ang pagtaas ng lebel ng paggarantiya ng pundamental na serbisyong pampubliko.

Sinabi ng white paper na ayon sa "Millennium Development Goals Report 2015" na ipinalabas ng United Nations (UN), bumaba sa 4.2% ang proporsyon ng sobrang mahirap na populasyon ng Tsina noong taong 2014, mula 61% noong 1990. Lumampas naman sa 70% ang contribution rate ng Tsina sa pagbabawas ng karalitaan sa buong mundo. Ang Tsina ay nagsilbing bansang nakapagbawas ng pinakamaraming mahirap na populasyon sa daigdig, at nakapagbigay ito ng napakahalagang ambag para sa usapin ng pagbabawas ng karalitaan sa buong mundo.

Ayon pa sa white paper, kasabay ng pagpawi ng sariling karalitaan, aktibong kinakatigan at binibigyang-tulong ng Tsina ang mga malawakang umuunlad na bansa sa usaping ito.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino