Leadership Institution ng Pilipinas, bumisita sa Serbisyo Filipino ng CRI

2017-02-20 17:45:04

Leadership Institution ng Pilipinas, bumisita sa Serbisyo Filipino ng CRI

Delegasyon ng Saceda Youth Lead

Bumisita ngayong araw, Pebrero 20, 2017 sa tanggapan ng Serbisyo Filipino ng Radyo Internasyonal ng Tsina (SF-CRI) sa Beijing ang Saceda Youth Lead, isang leadership institution ng Pilipinas.

Leadership Institution ng Pilipinas, bumisita sa Serbisyo Filipino ng CRI

Panayam ng ilang miyembro ng delegasyon ng Saceda Youth Lead sa Serbisyo Filipino

Leadership Institution ng Pilipinas, bumisita sa Serbisyo Filipino ng CRI

Kalahok na miyembro ng  Saceda Youth Lead sa kanilang pagbisita sa broadcasting studio ng Serbisyo Filipino

Sa panayam sa Serbisyo Filipino, ipinahayag ni Edwin M. Bernadas Jr., puno ng delegasyon, na ang pagbisitang ito ay naglalayong ipakita sa mga estudyanteng Pilipino, kung paano sinasanay ng ibat-ibang unibersidad at institusyon ng Tsina ang mga kabataang Tsino upang maging epektibong lider sa ibat-ibang larangan.

Napakahalaga aniya nito para sa mga kabataang kalahok upang mabuksan ang kanilang mga isipan sa tunay na pag-unlad at mga pangyayari sa Tsina.

Ito rin aniya ay makapagpapalalim sa pag-unawa ng mga naturang kalahok sa kulturang Tsino, at magsisilbing mahalagang instrumentong kanilang magagamit sa pagdedebelop ng sarili at bukas na pag-unawa sa ibat-ibang kultura sa mundo.

Sa kanilang pagbalik sa Pilipinas, magkakaroon ng mga programa ang Saceda Youth Lead upang maituro ng mga kalahok ang maraming kaalamang natutunan hinggil sa lipunan, ekonomiya at kultura ng Tsina sa ibang mga kabataang Pilipino, ani Bernadas.

Leadership Institution ng Pilipinas, bumisita sa Serbisyo Filipino ng CRI

Jade Xian, Direktor ng Serbisyo Filipino habang ipinaliliwanag ang hinggil sa Serbisyo Filipino

Sa pamamagitan ng isang presentasyon, isinalaysay naman ni Jade Xian, Direktor ng Serbisyo Filipino ang hinggil sa kasaysayan, misyon, layunin, at ibat-ibang programa ng SF-CRI.

Ang Saceda Youth Lead ay isang institusyong nagseserbisyo sa mga kabataang Pilipino, sa ilalim ng pamamahala ng National Youth Commission (NYC).

Leadership Institution ng Pilipinas, bumisita sa Serbisyo Filipino ng CRI

Mula sa kaliwa, Edwin Bernadas Jr.,Nikko Ederio,Jade Xian,Asuncion Pabalan,Carolina Carumba,Aimee Chua

Labinsiyam (19) na taon na itong naglilingkod sa mga kabataan mula sa elementarya, mataas na paaralan, kolehiyo at maging sa mga batang propesyunal upang bigyan sila ng pagkakataon na magsanay na maging lider, sa pamamagitan ng edukasyon at aksyon.

Ito ang ikalawang beses nang pagbisita ng Saceda Youth Lead sa SF-CRI, at sa taong ito, ang delegasyon ay binubuo ng 18 ang kalahok. 

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino