Pagdalaw ng Premyer Tsino sa Australya at New Zealand, isusulong ang kapayapaan, katatagan, at kasaganaan

2017-03-22 10:53:30 CRI CRI

Idinaos kahapon, Martes, ika-21 ng Marso 2017, sa Beijing, ng Ministring Panlabas ng Tsina ang news briefing hinggil sa opisyal na pagdalaw ni Premyer Li Keqiang sa Australya at New Zealand.

Isinalaysay ni Pangalawang Ministrong Panlabas Zheng Zeguang, na sisimulan ang biyaheng ito sa ika-22 ng buwang ito, at matatapos sa ika-29. Aniya, sa panahon ng pagdalaw, makikipag-usap si Premyer Li sa mga lider ng Australya at New Zealand, hinggil sa pagpapalakas ng pagtitiwalaang pulitikal, pagpapalawak ng kooperasyong may mutuwal na kapakinabangan, pagpapataas ng lebel ng pagpapalitan, pagpapasulong ng komprehensibo at estratehikong partnership ng Tsina sa naturang dalawang bansa, at pagdulot ng benepisyo sa kani-kanilang mga mamamayan.

Dagdag ni Zheng, sa ilalim ng kasalukuyang kalagayan ng mahinang pag-ahon ng kabuhayang pandaigdig at lumalalang proteksyonismo, umaasa rin ang panig Tsino, na sa pamamagitan ng pagdalaw na ito, ipararating sa Asya-Pasipiko at daigdig ang signal hinggil sa pagpapasulong ng kalayaan ng kalakalan at pamumuhunan, at pangangalaga sa kapayapaan, katatagan, at kasaganaan ng rehiyong ito.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino