Premyer Tsino, inulit ang pagpapasulong ng globalisasyon at malayang kalakalan

2017-03-25 18:22:51 CRI

Premyer Tsino, inulit ang pagpapasulong ng globalisasyon at malayang kalakalan

Dumalo kahapon, Biyernes, ika-24 ng Marso 2017, sa Sydney, Australya, sina Premyer Li Keqiang ng Tsina at Punong Ministro Malcolm Turnbull ng Australya, sa Porum sa Kooperasyong Pangkabuhayan at Pangkalakalan ng dalawang bansa.

Sa kanyang talumpati sa porum, inulit ni Li ang paninindigan ng Tsina sa pagpapasulong ng globalisasyon at malayang kalakalan. Positibo siya sa natamong mga bunga ng Tsina at Australya sa kooperasyong pangkabuhayan at pangkalakalan, nitong mahigit isang taong nakalipas sapul nang magkabisa ang kasunduan sa malayang kalakalan ng dalawang bansa. Ito aniya ay nagdudulot ng benepisyo sa kani-kanilang mga mamamayan, at nagpapakita sa daigdig ng kahalagahan ng malayang kalakalan.

Sa kanya namang talumpati, hinahangaan ni Turnbull ang bungang dulot ng malayang kalakalan ng dalawang bansa. Ipinahayag din niyang magsisikap ang Australya, kasama ng Tsina, para pasulungin ang globalisasyong pangkabuhayan at pagbubukas ng pamilihan.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino