Mga Pangulo ng Tsina at Amerika, nag-usap sa telepono

2017-04-12 16:31:01 CRI CRI

Nag-usap sa telepono, ngayong araw, Miyerkules, ika-12 ng Abril 2017, sina Pangulong Xi Jinping ng Tsina at Pangulong Donald Trump ng Amerika.

Positibo si Xi sa katatapos na pagtatagpo nila ni Trump sa Mar-a-Lago, Florida ng Amerika. Umaasa aniya siyang buong sikap na pasusulungin ng dalawang bansa ang kooperasyon sa iba't ibang aspekto, para matamo ang higit na maraming bunga sa lalong madaling panahon.

Ipinahayag naman ni Trump na matagumpay ang pagtatagpo nila ni Xi. Sumang-ayon siyang palawakin ng Amerika at Tsina ang kooperasyon sa malawak na aspekto.

Nagpalitan din ng palagay ang dalawang pangulo hinggil sa kalagayan sa Korean Peninsula, at isyu ng Syria. Binigyang-diin ni Xi ang mapayapang paglutas sa isyu ng Korean Peninsula. Umaasa rin aniya siyang magkakaisa ng palagay ang United Nations Security Council sa isyu ng Syria.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino