Philippine Consulate General sa Guangzhou, ipinagdiwang ang Araw ng Kalayaan

2017-06-13 09:20:29 CRI

Ipinagdiwang ang Ika-119 na Araw ng Kalayaan at Ika-20 Anibersaryo ng Pagkakatatag ng Philippine Consulate General sa Guangzhou

119 na taon matapos makamtan ang kasarinlan, ang Pilipinas ngayon ay isa sa mga pinakamasigla at maunlad na ekonomiya sa Asya. Ito ay ipinahayag ni Consul General Marie Charlotte Tang ng Konsulado ng Pilipinas sa Guangzhou, Guangdong Province ng Tsina, Hunyo 12, 2017.

Si Consul General Tang kasama ang coverage team ng CRI Filipino Service na binubuo nina Jade Xian (kanan) Wang Le (kaliwa) at Mac Ramos ( ikalawa mula kaliwa)

Kasabay ng pagdiriwang ng Kalayaan 2017: Pagbabagong Sama-samang Balikatin, sa Garden Hotel, ipinagdiwang din ngayong araw ang Ika-20 Anibersaryo ng Pagkakatatag ng Philippine Consulate General sa Guangzhou.

Sinariwa ni Consul General Tang ang panahon nang buksan ang konsulado noong Marso 23, 1997. Aniya, ang Guangdong noon ay umakit ng pansin ng mundo dahil sa pagiging bukas at masigasig sa kalakalan. At sa kasalukuyang panahon patuloy na hinahangaan ang lalawigan dahil sa pangunguna nito sa negosyo, teknolohiya at inobasyon.

Sa ngayon, dagdag niya na 30% ng kalakalang Sino-Pilipino ay dumadaan sa Guangdong at pinadadali ng 37 regular flights sa pagitan ng lalawigan at Pilipinas ang pagpapalitan ng iba't ibang sector.

Guangdong nais palakasin ang kooperasyon sa Pilipinas

Talumpati ni Gan Zhengmeng, Deputy Director-General ng General Office ng Guangdong Provincial Government

Sa kanya namang pahayag, sinabi ni Gan Zhengmeng, Deputy Director General ng General Office ng Guangdong Provincial Government na hangad ng kanyang lalawigang higit pang palakasin ang kolaborasyon sa Pilipinas sa iba't ibang larangan, lalo pa't ang Guangdong ay mahalagang daanan ng "Belt and Road" at manufacturing base ng daigdig, at ang Pilipinas naman ay isang mahalagang bansa sa Association of Southeast Asian Nations (ASEAN). Aniya pa nawa'y gamitin ng dalawang panig ang mga oportunidad na alok ng Ika-50 Anibersaryo ng Pagkakatatag ng ASEAN, China-ASEAN Tourism Cooperation Year at ang Ika-600 Anibersaryo ng Pagdalaw ng Sultan ng Sulu sa Tsina upang mas isulong pa ang mabuting bilateral na relasyon.

Taste of the Philippines

Chicken inasal skewers

Embutido Medallions

Pormal ding binuksan ngayong araw ang Philippine Food Festival sa Garden Hotel. Itatampok ni Chef Justin Sison ang piling mga putaheng Pinoy. Ani Consul General Tang, isa sa mga ito ang "pancit canton" na nagpapakita sa mahabang kasaysayan ng ugnayan sa pagitan ng mga Pilipino at Tsino.

Ginger lemon parfait with black sesame soil in galss

Pancit Canton ang centerpiece dish sa Taste of the Philippines na simbolo ng mahaba at mayamang ugnayang Pilipino-Sino

Pinakbet

Ang Taste of the Philippines ay gaganapin sa Carousel Restaurant ng Garden Hotel mula Hunyo 12 hanggang Hunyo 25, 2017.

Ulat: Mac Ramos

Pulido: Jade Xian

Larawan: Wang Le

Web Editor: Lito

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino