Japanese “Defense White Paper,” buong tinding tinututulan ng Tsina

2017-08-09 15:45:04

Japanese “Defense White Paper,” buong tinding tinututulan ng Tsina

Inilabas kahapon, Agosto 8, 2017, ng Japanese Defense Ministry ang taunang "Defense White Paper" sa 2017. Napapaloob dito ang malaking paninira sa hukbong Tsino at lantarang paglinlang sa komunidad ng daigdig. Kaugnay nito, ipinahayag nang araw ring iyon ni Tagapagsalita Wu Qian ng Ministring Pandepensa ng Tsina, na mahigpit itong tinututulan ng hukbong Tsino, at nagharap na ito ng solemnang representasyon sa panig Hapones.

Sa katuwirang maritime security issue, muling pinalaganap ng nasabing white paper ang umano'y "China Threat" upang makapagbigay ng kondisyon sa isinasagawang ekspansyon ng polisyang pandepensa ng Abe administration.

Ani Wu, di-responsable sinabi ng panig Hapones sa white paper. Ayon dito, tangka ng panig Tsino na baguhin ang status quo batay sa sariling kagustuhan sa East China Sea at South China Sea, bagay na nagdulot ng komong pagkabahala sa rehiyon at buong daigdig. Ngunit sa katotohanan, walang iba kundi ang panig Hapones ang nagtatangkang baguhin ang status quo at magdulot ng pagkabahala sa komunidad ng daigdig. Sinabi ni Wu na alam ng lahat, na binabago ng Hapon ang military security policy nito, at tangka nitong susugan ang Peace Constitution. Puspusan din aniyang pinapalakas ng Hapon ang kagamitang militar, at nagsasagawa ng mga katugong military deployment. Bukod pa riyan, buong sikap ding naghimasok ang Hapon sa mga suliranin ng South China Sea, kahit wala itong direktang kinalaman sa isyu. Ang mga ito, ani Wu ay pagtatangkang baguhin ang status quo at nakakapinsala sa kapayapaan at katatagang panrehiyon.

Sinabi rin ni Wu na muling hinihimok ng panig Tsino ang panig Hapones na pagsisihan ang kasaysayan, igalang ang katotohanan, itigil ang walang-batayang pagbatikos sa Tsina, at itigil ang paglinlang sa komunidad ng daigdig.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino