Digmaang pangkalakalan ng Tsina at Amerika, walang idudulot na kapakinabangan sa sinuman: Tagapagsalita

2017-08-15 11:04:24 CRI CRI

Sinabi Lunes, Agosto 14, 2017 ni Hua Chunying, Tagapagsalita ng Ministring Panlabas ng Tsina na hindi makakarating sa paroroonan ang Tsina at Amerika kung may digmaang pangkalakalan ang dalawang bansa.

Ipinahayag ito ni Hua sa regular na preskon bilang tugon sa ulat na pipirma raw nang araw ring iyon si Pangulong Donald Trump sa executive order para pasimulan ang imbestigasyon laban sa Tsina dahil sa di-umano'y pagnanakaw ng teknolohiya at likhang-isip.

Ipinagdiinan ni Hua na ang win-win result ay ang buod ng ugnayang pangkalakalan ng Tsina at Amerika at dapat lutasin ng dalawang bansa ang pagkakaiba sa pamamagitan ng diyalogo at pangalagaan ang malusog na pag-unlad ng bilateral na relasyong pangkabuhayan.

Idinagdag pa ni Hua na laging pinahahalagahan ng Tsina ang pangangalaga sa likhang-isip, batay sa mga batas at alituntunin, binibigyang-dagok ang sinumang lalabag sa batas, at pinapataas ang kamalayan ng mga mamamayan hinggil sa proteksyon sa kaparatan sa pagmamay-ari ng likhang-isip. Hiniling ng tagapagsalitang Tsino sa Amerika na obdyektibong tasahin ang natamong progreso ng Tsina hinggil dito at mga natamong bunga hinggil sa inobasyon.

Salin: Jade
Pulido: Mac

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino