Biyahe ng CJCS sa Tsina, natapos na

2017-08-18 15:20:34

Natapos Huwebes, Agosto 17, 2017, ang biyahe ni Chairman of Joint Chief of Staff (CJCS) General Joseph Dunford sa Tsina. Sa kanyang pananatili sa Tsina, magkakasunod siyang nakausap at nakatagpo ng mga lider ng partido at hukbo ng bansa. Isang mahalagang natamong bunga ng nasabing biyahe ay ang paglagda ng Tsina at Amerika sa "framework agreement on a China-U.S. joint staff dialogue mechanism."

Tinukoy ni Zhou Bo, Puno ng Sentro ng Pandaigdigang Seguridad ng Tanggapan ng Pandaigdigang Kooperasyong Militar ng Komisyong Militar ng Komite Sentral ng Partido Komunista ng Tsina (CPC), na bilang unang mataas na lider ng hukbong Amerikano na bumiyahe sa Tsina sapul nang maupo sa puwesto si Presidente Donald Trump, nakakatulong ang biyahe ni Dunford sa pagpapalalim ng pag-uunawaan ng mga hukbong Tsino at Amerikano, at pag-iwas sa anumang di pagkakaunawaan.

Sinabi naman ni Zhao Xiaozhuo, mananaliksik ng People's Liberation Army (PLA) Academy of Military Sciences ng Tsina, na ang relasyon ng mga hukbong Tsino at Amerikano ay may napakahalagang impluwensiya sa seguridad panrehiyon, sa halip na ito'y isang simpleng bilateral na relasyon lamang. Aniya, isusulong pa ng ginawang matapat na diyalogo ng dalawang hukbo ang kanilang relasyon.

Siyempre, hindi rin maiiwasan ang ilang sensitibong isyu sa pagitan ng relasyon ng dalawang hukbo na gaya ng isyung nuklear ng Korean Peninsula, isyu ng South China Sea, at isyu ng Taiwan. Kung paanong magkakasundo ang dalawang hukbo sa mga sensitibong isyu, at magsasagawa ng mga hakbangin upang mapababa hangga't makakaya, ang kanilang konprontasyon, ay ang bagong kahilingang kanilang kinakaharap.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino