Regular na diyalogo ng Tsina at Indonesya, idinaos: estratehikong pagtutulungan, palalalimin at palalawakin

2017-08-22 14:49:19 CRI

Beijing-Binuksan Agosto 21, 2017 ang Ika-6 na Pulong ng mga Pangalawang Punong Ministro ng Tsina at Indonesya. Magkasama itong pinanguluhan nina Yang Jiechi, Kasangguni ng Estado ng Tsina at Wiranto, Coordinating Minister for Political, Legal and Security Affairs ng Indonesya.

Ipinahayag ng dalawang panig na alinsunod sa komong palagay na narating nina Pangulong Xi Jinping ng Tsina at Pangulong Joko Widodo ng Indonesya, ibayong palalalimin at palalawakin ang komprehensibong estratehikong partnership ng dalawang bansa. Sinang-ayunan nila ang pagpapatuloy ng pagpapalitan sa mataas na antas; pagpapahigpit ng pagpapalitan sa mga mahalagang isyung may-kinalaman sa bilateral na relasyon; pagpapalakas ng ugnayan ng kani-kanilang pambansang estratehiyang pangkaunlaran; at pagpapalalim ng pagtutulungan sa depensa, paglaban sa terorismo at droga, cyber security, at iba pang larangan. Positibo rin sila sa magkasamang pangangalaga sa kapayapaan at katatagan ng South China Sea, ibayong pagpapasulong ng pagtutulungan ng Tsina at ASEAN at pagtutulungan ng Silangang Asya, at pagpapalakas ng koordinasyon sa mga multilateral na mekanismo ng rehiyon at daigdig.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino