Tsina, nagsisikap para sa mapayapang rekonsilyasyon ng Afghanistan

2017-08-25 11:07:14

Makaraang ilahad Agosto 21, 2017, ni US President Donald Trump ang panibagong estratehiya sa Afghanistan at South Asia, nag-usap sa telepono kamakalawa, Agosto 23, sina Yang Jiechi, Kasangguni ng Estado ng Tsina, at Rex Tillerson, Kalihim ng Estado ng Estados Unidos, kung saan inulit ni Yang na nagsisikap ang panig Tsino upang mapasulong ang proseso ng mapayapang rekonsilyasyon ng Afghanistan.

Sa isang preskong idinaos Agosto 24, ipinahayag ni Tagapagsalita Hua Chunying ng Ministring Panlabas ng Tsina, na sa nasabing pag-uusap, tinukoy ni Yang na ang diyalogong pulitikal ang siyang tanging paraan para resolbahin ang isyu ng Afghanistan.

Dagdag pa ni Hua, nakahanda ang panig Tsino na panatilihin ang pakikipagsanggunian at pakikipagkoordina sa panig Amerikano sa isyu ng Afghanistan para magkasamang makapag-ambag sa pagsasakatuparan ng kapayapaan sa nasabing bansa at rehiyon.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino