Pangalawang Tagapangulo ng CPPCC, bumiyahe sa Micronesia, Brunei, at Cambodia

2017-09-10 14:30:10

Sa paanyaya ng mga pamahalaan ng Micronesia, Brunei, at Cambodia, bumiyahe si Wang Jiarui, Pangalawang Tagapangulo ng Pulitikal na Konsultatibong Kapulungan ng mga Mamamayang Tsino (CPPCC) sa nasabing tatlong bansa mula Agosto 31 hanggang Setyembre 3, 2017.

 Sa kanyang pakikipagtagpo sa Sultan ng Brunei, sinabi ni Wang na winiwelkam ng panig Tsino ang pagdalaw ng Sultan sa Tsina at pagdalo sa China-ASEAN Expo (CAExpo). Nakahanda aniya ang Tsina na magsikap kasama ng Brunei upang mapalawak ang kanilang pragmatikong kooperasyon sa iba't-ibang larangan, at mapasulong pa ang relasyon ng dalawang bansa.

Sa kanyang pakikipagtagpo sa mga lider Kambodyano, sinabi ni Wang na kinakatigan ng panig Tsino ang pagtahak ng Cambodia sa landas ng pag-unlad na angkop sa sariling kalagayang pang-estado. Nakahanda aniya ang Tsina na palalimin kasama ng Cambodia, ang kanilang tradisyonal na pagkakaibigan, palakasin ang estratehikong pagtutulungan para makapaghatid ng benepisyo sa kanilang mga mamamayan.

Sa kanya namang pakikipagkita sa lider ng Micronesia, ipinahayag ni Wang ang kahandaan ng Tsina na walang humpay na pasulungin ang estratehikong partnership ng dalawang bansa.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino